തിരുവല്ല : തൃശൂർ വെള്ളാനിക്കര സർവീസ് സഹകരണ ബാങ്കിലെ രണ്ട് സെക്യൂരിറ്റി ജീവനക്കാർ കൊല്ലപ്പെട്ട സംഭവത്തിൽ ദുരൂഹതയുണ്ടെന്ന് സെക്യൂരിറ്റി ഗാർഡ് ആൻഡ് ഹോം നേഴ്സ് അസോസിയേഷൻ ഭാരവാഹികൾ ആരോപിച്ചു. ബാങ്കിലെ രാത്രികാല സുരക്ഷാ ജീവനക്കാരുടെ മരണത്തിൽ ദുരൂഹതയുണ്ടെന്നും സംഭവത്തിൽ സ്വതന്ത്രവും നിഷ്പക്ഷവുമായ സമഗ്ര അന്വേഷണം നടത്തണമെന്നും ഇത്തരം സംഭവങ്ങൾ ഇനി മുതൽ ആവർത്തിക്കാതിരിക്കാൻ വേണ്ട നടപടികൾ കൈക്കൊള്ളണമെന്നും സംഘടനയുടെ ഭാരവാഹികൾ ആവശ്യപ്പെട്ടു. സംസ്ഥാന ചെയർമാൻ എൽദോ പൂവത്തിങ്കൽ, ജന.സെക്രട്ടറി അഡ്വ.രാജേഷ് നെടുമ്പ്രം, ട്രഷറർ പ്രഭാകുമാർ, ശ്യാം കോന്നി, പ്രീതി ബിനു, ബിന്ദു. പി.ആർ, എന്നിവർ പ്രസംഗിച്ചു.