പെരുമ്പാവൂർ : പുഴയിൽ കുളിക്കാനിറങ്ങിയ യുവതി​ കയത്തിൽ അകപ്പെട്ട് മുങ്ങി മരി​ച്ചു. കൂവപ്പടി ആലാട്ടുചിറ അഭയാരണ്യത്തിനുസമീപം പെരിയാറിന്റെ കൈവഴിയായ ചെട്ടിനട പനങ്കുരുത്തോട്ടം പുഴയിൽ കുളിക്കാനിറങ്ങിയ ചെങ്ങന്നൂർ ഇടനാട് മായാലിൽ തുണ്ടിയിൽ വീട്ടിൽ തോമസിന്റെ മകൾ ജോമോൾ (25) ആണ് മരി​ച്ചത്.

ഇന്നലെ ഉച്ചയ്ക്ക് പതി​നൊന്നരയോടെ നാലു കൂട്ടുകാരികളുമൊത്ത് കുളിക്കാനിറങ്ങിയ ജോമോൾ കുളി കഴിഞ്ഞ് കരക്കുകയറിയ ശേഷം വീണ്ടും പുഴയിൽ ഇറങ്ങുകയായി​രുന്നു. ജോമോൾ കയത്തിൽ അകപ്പെട്ടതോടെ കൂട്ടുകാരികൾ ബഹളംവച്ചു. ഒാടിക്കൂടിയ നാട്ടുകാരാണ് ഫയർഫോഴ്സി​ൽ വി​വരം അറി​യി​ച്ചത്. ഫയർഫോഴ്സും സ്കൂബ ടീമും നാട്ടുകാരും ചേർന്ന് തെരച്ചിൽ നടത്തി. മൃതദേഹം പെരുമ്പാവൂർ താലൂക്ക് ആശുപത്രിയിലേക്ക് മാറ്റി. ബംഗളൂരുവി​ൽ ഒരുമിച്ചുജോലി ചെയ്യുന്ന കൂട്ടുകാരി സ്വാതി​യുടെ വിവാഹ നിശ്ചയ ചടങ്ങിൽ പങ്കെടുക്കുവാനായി രണ്ടു ദിവസം മുമ്പാണ് ജോമോളും കൂട്ടുകാരികളും ആലാട്ടുചിറ നെടുമ്പിള്ളിൽ വീട്ടിലെത്തിയത്. സംസ്കാരം പിന്നീട്. മാതാവ്: എലിസബത്ത്, സഹോദരൻ: ജോയൽ.