പത്തനംതിട്ട : സാർവ ദേശീയ തൊഴിലാളി ദിനം മേയ് ഒന്നിന് സി.ഐ.ടി.യു - എ.ഐ.ടി.യു.സി നേതൃത്വത്തിൽ ആചരിക്കുവാൻ തീരുമാനിച്ചു. തൊഴിലാളികളുടെ വമ്പിച്ച റാലിയും പൊതുയോഗവും ഏരിയ കേന്ദ്രങ്ങളിൽ സംഘടിപ്പിക്കും. പത്തനംതിട്ട നഗരത്തിൽ നടക്കുന്ന റാലിയും പൊതുയോഗവും സി.ഐ.ടി.യു സംസ്ഥാന വൈസ് പ്രസിഡന്റ് പി.ബി. ഹർഷകുമാറും അടൂരിൽ എ.ഐ.ടി.യു.സി ജില്ലാ സെക്രട്ടറി ഡി.സജിയും ഉദ്ഘാടനം ചെയ്യും. വിവിധ ഏരിയകളിൽ എസ്.ഹരിദാസ്, പി.ആർ. പ്രസാദ് , പി.ജെ.അജയകുമാർ, ആർ.ഉണ്ണികൃഷ്ണപിള്ള, അഡ്വ.ആർ.സനൽ കുമാർ , കെ.സി.രാജഗോപാലൻ , എം.ബി. പ്രഭാവതി , പി.ആർ.ഗോപിനാഥൻ , ഫ്രാൻസിസ്.വി.ആന്റണി എന്നിവർ ഉദ്ഘാടനം ചെയ്യും.