കരുനാഗപ്പള്ളി : അഡ്വക്കേറ്റ് ലൈൻ മർച്ചന്റ് അസോസിയേഷന്റെ നേതൃത്വത്തിൽ ഇഫ്താർ സംഗമം സംഘടിപ്പിച്ചു. ഇഫ്താർ സംഗമത്തോടനുബന്ധിച്ച് നടന്ന പൊതു യോഗത്തിൽ പ്രസിഡന്റ്‌ ഷിഹാൻ ബഷി അദ്ധ്യക്ഷനായി. കരുനാഗപ്പള്ളി ടൗൺ ജുമാ മസ്ജിദ് ഇമാം ഷാഹിദ് മൗലവി ഉദ്ഘാടനം നിർവഹിച്ചു. ആട് ജീവിതം ജീവിത നായകൻ നജീബ് മുഖ്യാതിഥി ആയിരുന്നു. കർമ്മേൽ സ്നേഹനിലയം ഓൾഡ് ഏയ്ജ് മാനേജിംഗ് ഡയറക്ടർ മനോജ്‌ എം.കോശി വൈദ്യൻ ഇഫ്താർ സന്ദേശം നൽകി. യു.എം.സി സംസ്ഥാന വൈസ് പ്രസിഡന്റ്‌ നിജാം ബഷി, യു.എം.സി നേതാക്കളായ ഡി.മുരളീധരൻ, വിജയൻ, റൂഷ പി.കുമാർ, നഗരസഭാ കൗൺസിലർ എം.അൻസാർ, സബ് ഇൻസ്‌പെക്ടർ ഉത്തരകുട്ടൻ,അൽമാ രക്ഷാധികാരി കബീർ, വിജയൻ തുപ്പശേരിൽ, നാസർ പോച്ചയിൽ എന്നിവർ സംസാരിച്ചു സെക്രട്ടറി സഫീർ ഖാൻ സ്വാഗതവും, ജഗധീശ്വരൻ പിള്ള നന്ദിയും പറഞ്ഞു.