കൊല്ലം: എൻ.എസ് സഹകരണ ആശുപത്രി, എൻ.എസ് നഴ്‌സിംഗ് കോളേജ്, എൻ.എസ് സാംസ്‌കാരിക വിഭാഗമായ പബ്ലിക് ലൈബ്രറി എന്നിവയുടെ സംയുക്താഭിമുഖ്യത്തിൽ ആശുപത്രിയിൽ സംഘടിപ്പിച്ച ലോകോരോഗ്യ ദിനാചരണം ആശുപത്രി പ്രസിഡന്റും മുൻ എം.പിയുമായ പി. രാജേന്ദ്രൻ ഉദ്ഘാടനം ചെയ്തു. ഭരണസമിതി അംഗം അഡ്വ. പി.കെ ഷിബു അദ്ധ്യക്ഷനായി. ഡെപ്യൂട്ടി മെഡിക്കൽ സൂപ്രണ്ട് ഡോ. ശ്രീകുമാർ ലോകാരോഗ്യദിന സന്ദേശം കൈമാറി. ആശുപത്രി സെക്രട്ടറി പി. ഷിബു സംസാരിച്ചു. നഴ്‌സിംഗ് കോളേജ് പ്രിൻസിപ്പൽ ഡോ. കെ.എൻ. സുരേഷ് സ്വാഗതവും ലൈബ്രറി സെക്രട്ടറി കൊട്ടിയം രാജേന്ദ്രൻ നന്ദിയും പറഞ്ഞു. എന്റെ ആരോഗ്യം എന്റെ അവകാശം എന്ന വിഷയത്തിൽ നടന്ന സെമിനാറിൽ വായനശാല പ്രസിഡന്റ് അഡ്വ. ഡി..സുരേഷ്‌കുമാർ അദ്ധ്യക്ഷനായി. ഡോ. പി.എം. അഞ്ജിത പ്രബന്ധാവതരണം നടത്തി. ഡോ.കെ.എൻ. സുരേഷ്, പി.ആർ.ഒ ജയ്ഗണേഷ് എന്നിവർ ചർച്ചയിൽ പങ്കെടുത്തു. ചിത്രരചന മത്സരത്തിലെ വിജയികൾക്ക് ജില്ലാ ലൈബ്രറി കൗൺസിൽ പ്രസിഡന്റ് കെ.ബി. മുരളീകൃഷ്ണൻ സമ്മാനദാനം നടത്തി. കൊട്ടിയം രാജേന്ദ്രൻ സ്വാഗതവും നഴ്‌സിംഗ് കോ-ഓർഡിനേറ്റർ കെ.വിലാസിനി അമ്മ നന്ദിയും പറഞ്ഞു.