പു​ന​ലൂ​ർ​:​ ​പു​ന​ലൂ​ർ​-​മൂ​വാ​റ്റു​പു​ഴ​ ​സം​സ്ഥാ​ന​ ​പാ​ത​യി​ലെ​ ​നെ​ല്ലി​പ്പ​ള്ളി​ക്ക് ​സ​മീ​പ​ത്തെ​ ​വ​ന്മ​ള​ ​പാ​ല​ത്തി​നോ​ട് ​ചേ​ർ​ന്ന് ​അ​പ​ക​ടം​ ​പ​തി​യി​രി​ക്കു​ന്നു.​ ​​പു​തി​യ​ ​പാ​ല​ത്തി​നും​ ​പ​ഴ​യ​ ​പാ​ല​ത്തി​നും​ ​ഇ​ട​യി​ൽ​ ​ ആ​റ്റ് ​തീ​ര​ത്ത് ​ക്രാ​ഷ്ബാ​രി​യ​ർ​ ​സ്ഥാ​പി​ക്കാ​ത്ത​താ​ണ് ​അ​പ​ക​ട​ ​സാ​ദ്ധ്യ​ത​യ്ക്ക് ​കാ​ര​ണം.​ ​പാ​ത​ ​ന​വീ​ക​ര​ണ​ങ്ങ​ളു​ടെ​ ​ഭാ​ഗ​മാ​യി​ ​ഒ​ന്ന​ര​ ​വ​ർ​ഷം​ ​മു​മ്പ് ​മു​ക്ക​ട​വ് ​ആ​റി​ന് ​മ​ദ്ധ്യേ​ ​സ്ഥി​തി​ ​ചെ​യ്യു​ന്ന​ ​പ​ഴ​യ​ ​പാ​ല​ത്തി​ന് ​സ​മീ​പ​ത്താ​ണ് ​പു​തി​യ​ ​പാ​ലം​ ​പ​ണി​ത​ത്.​ ​എ​ന്നാ​ൽ​ ​പാ​ത​യോ​ര​ത്തെ​ ​ആ​റ്റ് ​തീ​ര​ത്ത് ​ക്രാ​ഷ്ബാ​രി​യ​ർ​ ​സ്ഥാ​പി​ക്കാ​ൻ​ ​ബ​ന്ധ​പ്പെ​ട്ട​വ​ർ​ ​ത​യ്യാ​റാ​യി​ല്ല.​ ​ഇ​ത് ​കാ​ര​ണം​ ​പാ​ത​യോ​ര​ത്ത് ​കൂ​ടി​ന​ട​ന്ന് ​പോ​കു​ന്ന​ ​കാ​ൽ​ ​ന​ട​ ​യാ​ത്ര​ക്കാ​ർ​ ​ക​ടു​ത്ത​ ​ആ​ശ​ങ്ക​യി​ലാ​ണ്.

ക്രാഷ് ബാരിയർ വേണം

രണ്ട് പാലങ്ങളുടെയും ഇടയിലെ പാതയോരത്തെ ഇരുകരകളും തുറന്ന് കിടക്കുന്നത് കാരണം വാഹന യാത്രക്കാർക്കും ബുദ്ധിമുട്ടാണ്. പുതിയ പാലത്തിന് പുറമെ പഴയ പാലത്തിലൂടെയും വാഹനങ്ങൾ കടന്ന് പോകുന്നത് കണക്കിലെടുത്ത് തുറസായി കിടക്കുന്ന ഭാഗത്ത് ക്രാഷ് ബാരിയർ സ്ഥാപിക്കണമെന്ന ആവശ്യവും ശക്തമായി. കെ.എസ്.ആർ.ടി.സി, സ്വകാര്യ ബസുകൾക്ക് പുറമെ ചരക്ക് ലോറിയടക്കം ദിവസവും നൂറുകണക്കിന് വാഹനങ്ങൾ കടന്ന് പോകുന്ന സംസ്ഥാന പാതയിലാണ് അപകടം പതിയിരിക്കുന്നത്.

ഇഴഞ്ഞു നീങ്ങി സംസ്ഥാന പാത നവീകരണം

കെ.എസ്.ടി.പിയുടെ നിയന്ത്രണത്തിൽ 200 കോടിയിൽ അധികം രൂപ ചെലവഴിച്ചാണ് പുനലൂർ-മൂവാറ്റുപുഴ സംസ്ഥാന പാത നവീകരണം നടന്ന് വരുന്നത്. രണ്ട് വർഷം മുമ്പ് ആരംഭിച്ച നവീകരണ ജോലികൾ ഇപ്പോഴും ഇഴഞ്ഞു നീങ്ങുകയാണ് .ആധുനിക സൗകര്യങ്ങളോടെ റീ ടാറിംഗ് നടത്തിയ പാതയുടെ രണ്ട് വശങ്ങളിലെയും നടപ്പാതയുടെ വിവിധ സ്ഥലങ്ങളിൽ റോഡിൽ നിന്ന് താഴ്ന്ന് കിടക്കുന്നത് കാൽ നട യാത്രക്കാർക്ക് ബുദ്ധിമുട്ടായി മാറിയിട്ട് രണ്ട് വ‌ർഷം കഴിഞ്ഞു. ഇവിടെ മണ്ണിട്ട് ഉയർത്തിയാൽ ജനങ്ങളുടെ ബുദ്ധിമുട്ട് ഒഴിവാക്കാനും കഴിയുമെന്നാണ് പ്രദേശവാസികൾ പറയുന്നത്.