കൊല്ലം: ഫിഷർമെൻ കമ്യൂണിറ്റി ഡെവലപ്മെന്റ് പ്രോഗ്രാമിന്റെ (എഫ്.സി​.ഡി​.പി​) നേതൃത്വത്തിൽ തീരദേശത്തെ മത്സ്യത്തൊഴിലാളി സ്ത്രീകൾക്ക് ഇലക്ട്രിക് ഓട്ടോ നൽകുന്ന വി​ ഓട്ടോ പദ്ധതിയുടെ ഏഴാം ഘട്ട വിതരണം ഡോൺ ബോസ്കോ സ്ഥാപനം ഡയറക്ടർ ഫാ. പി. എസ്. ജോർജ് ഫ്ലാഗ് ഒഫ് ചെയ്തു.

ആറ് വനിതകൾക്കാണ് പുതുതായി വാഹനം കൈമാറിയത്. ബ്രഡ്സ് ബംഗളൂരുവിന്റെ സഹകരണത്തോടെ ആവിഷ്കരിച്ചിരിക്കുന്ന പദ്ധതി സ്ത്രീകൾക്ക് വരുമാന മാർഗമാണ് ലക്ഷ്യമി​ടുന്നത്. തീരദേശത്ത് ഇതുവരെ 25 സ്ത്രീകൾക്കു പദ്ധതിയുടെ ഭാഗമായി ഇലക്ട്രിക് ഓട്ടോറിക്ഷകൾ നൽകി. ഫാ. സ്റ്റീഫൻ മുക്കാട്ടിൽ അദ്ധ്യക്ഷത വഹിച്ചു. ചെയർപേഴ്സൺ ആഗ്നസ് ജോൺ, മഹീന്ദ്ര മാനേജിങ് ഡയറക്ടർ എസ്. ഷിബു, ടി​.എം.എസ് പ്രസിഡന്റ്‌ വെറോണിക്ക ആന്റണി, സിസ്റ്റർ ആനി ജോസഫ് എന്നിവർ സംസാരി​ച്ചു. വനിതകൾക്ക് ഓട്ടോ പരിശീലനം നൽകുന്ന അനിൽ വിക്ടറിനെ ചടങ്ങിൽ ഫാ. പി. എസ്. ജോർജ് ആദരിച്ചു. എഫ്.സി​.ഡി​.പി ഡയറക്ടർ ഫാ.ജോബി സെബാസ്റ്റ്യൻ, അസിസ്റ്റന്റ് ഡയറക്ടർ ഫാ. ജിതിൻ മറ്റമുണ്ടയിൽ, ടി​.എം.എസ് അസിസ്റ്റന്റ് ഡയറക്ടർ സി. മേരി തുടങ്ങി​യവർ പങ്കെടുത്തു.