തൊ​ടി​യൂർ: കല്ലേലിഭാഗത്ത് വീ​ടി​ന് മീ​തേ തെ​ങ്ങും വാ​ക​മ​ര​വും ഒ​ടി​ഞ്ഞു വീ​ണ് വീടിന് കേ​ട് പാ​ട് സം​ഭ​വി​ച്ചു. ക​ല്ലേ​ലി​ഭാ​ഗം ​കേ​ര​ള ഫീ​ഡ്‌​സ് ഫാ​ക്ട​റി​ക്ക് പ​ടി​ഞ്ഞാ​റു വ​ശം തെ​ന്ന​ല കി​ഴ​ക്ക​തിൽ രാ​ധാ​കൃ​ഷ്​ണ​ന്റെ വീ​ടി​നാ​ണ് കേ​ട് പാ​ട് സം​ഭ​വി​ച്ച​ത്. വ്യാ​ഴാ​ഴ്​ച രാ​ത്രി 10.30ഓ​ടെ​യു​ണ്ടാ​യ ശ​ക്ത​മാ​യ കാ​റ്റിൽ തൊ​ട്ട​ടു​ത്ത വീ​ട്ടു​പ​റ​മ്പി​ലെ വ​ലി​യ തെ​ങ്ങും രാ​ധാ​കൃ​ഷ്​ണ​ന്റെ വീ​ടി​ന് പി​ന്നിൽ,​ കേ​ര​ള ഫീ​ഡ്‌​സ് ഫാ​ക്ട​റി​യു​ടെ മ​തിൽ​ക്കെ​ട്ടി​നു​ള്ളിൽ നി​ന്ന വാ​ക​മ​ര​വു​മാ​ണ് ഒ​ടി​ഞ്ഞു വീ​ണ​ത്. കോൺ​ക്രീ​റ്റ് വീ​ടി​ന്റെ പിൻ​ഭാ​ഗ​ത്തെ പാ​ര​പ്പ​റ്റും സൺ ഷെ​യ്​ഡും ത​കർ​ന്നു. വീ​ടി​ന് സ​മീ​പ​ത്ത് ചാ​യ​ക്ക​ട ന​ട​ത്തു​ന്ന രാ​ധാ​കൃ​ഷ്​ണ​നും ഭാ​ര്യ സു​ധി​യും ക​ട അ​ട​ച്ച ശേ​ഷം വീ​ട്ടിൽ എ​ത്തി​യ​തി​ന് പി​ന്നാ​ലെ​യാ​ണ് വൃ​ക്ഷ​ങ്ങൾ ഒ​ടി​ഞ്ഞ് വീ​ടി​ന് മി​തേ പതിച്ചത്. ഈ സ​മ​യം സു​ധ​യു​ടെ വൃ​ദ്ധ​മാ​താ​വും വീ​ട്ടി​നു​ള്ളി​ലു​ണ്ടാ​യി​രു​ന്നു. ആർക്കും പരിക്കില്ല. വി​വ​രം അ​റി​ഞ്ഞ് ക​ല്ലേ​ലി​ഭാ​ഗം വി​ല്ലേ​ജ് ഓ​ഫീ​സർ ബി​ന്ദു​കൃ​ഷ്​ണ വീ​ട്ടിൽ എ​ത്തി നാ​ശ ന​ഷ്ട​ങ്ങൾ വി​ല​യി​രു​ത്തി. എന്നാൽ വീ​ടി​ന് മീ​തേ വീ​ണു കി​ട​ക്കു​ന്ന മ​ര​ങ്ങൾ വെ​ള്ളി​യാ​ഴ്​ച സ​ന്ധ്യ​വ​രെ​യും മു​റി​ച്ചു​മാ​റ്റാൻ ബ​ന്ധ​പ്പെ​ട്ട​വർ ത​യാ​റാ​യി​ല്ലെ​ന്ന് രാ​ധാ​കൃ​ഷ്​ണൻ പ​റ​ഞ്ഞു.