പാരിപ്പള്ളി: പാരിപ്പള്ളി അമൃത ഹയർ സെക്കൻഡറി​ സ്കൂളി​ലെ സീനിയർ എസ്.പി.സി കേഡറ്റുകൾ പത്തനാപുരം ഗാന്ധിഭവൻ സന്ദർശിച്ചു. ഗാന്ധിഭവനിൽ പ്രവർത്തിക്കുന്ന ജില്ലാ വനിതാ ഷെൽട്ടർ ഹോമി​ന്റെ 9-ാമത് വാർഷികദിനത്തിലാണ് കേഡറ്റുകൾ ഗാന്ധിഭവനിലെത്തിയത്. വാർഷിക ആഘോഷങ്ങുടെ ഉദ്ഘാടനം ഉപലോകായുക്ത ജസ്റ്റി​സ് ബാബു മാത്യു പി.ജോസഫ് നിർവ്വഹിച്ചു. ഉദ്ഘാടന ശേഷം ജസ്റ്റിസ് കേഡറ്റുകളുമായി സംവദിച്ചു. രാവിലെ എത്തിയ കേഡറ്റുകൾ ഗാന്ധിഭവനിലെ കുട്ടികൾ ഉൾപ്പെടെയുള്ളവരോടൊപ്പം പാട്ടുപാടിയും നൃത്തം ചെയ്തും വൈകുവോളം ചെലവഴി​ച്ചു. വസ്ത്രമുൾപ്പടെയുള്ള അവശ്യവസ്തുക്കൾ അവർ ഗാന്ധിഭവന് കൈമാറി. ഗാന്ധിഭവൻ സെക്രട്ടറി ഡോ. പുനലൂർ സോമരാജൻ. ഗാന്ധിഭവൻ ചെയർ പേഴ്സൺ ഷാഹിദാ കമാൽ, എസ്.പി.സി കൊല്ലം സിറ്റി അഡിഷനൽ നോഡൽ ഓഫീസർ ബി.രാജേഷ്, പി.ടി​.എ വൈസ് പ്രസിഡന്റ് വൈ. റഹിം, എസ്.പി.സി സി.പി.ഒമാരായ എ.സുഭാഷ് ബാബു, എൻ.ആർ. ബിന്ദു, ഗാന്ധിഭവൻ വൈസ് ചെയർമാൻ പി.എസ്. അമൽരാജ്, പി.ടി​.എ അംഗം എസ്. ദിനി തുടങ്ങിയവർ നേതൃത്വം നൽകി.