 ന​വീ​ക​രിക്കണമെന്ന ആവശ്യവുമായി നാട്ടുകാർ

ഏരൂർ: ഏ​രൂർ പ​ഞ്ചാ​യ​ത്തിലെ ആ​ല​ഞ്ചേ​രി അ​ണു​ങ്ങൂ​രിൽ സ്ഥി​തി ചെ​യ്യുന്ന​ നൂ​റ്റാ​ണ്ടു​കൾ പ​ഴ​ക്ക​മു​ള്ള ചിറയുടെ ശോച്യാവസ്ഥ പരിഹരിക്കണമെന്ന ആവശ്യമുമായി നാട്ടുകാർ രംഗത്ത്. മാലിന്യ നിക്ഷേപവും, പൂപ്പായലും, ചെളിയും കാരണം വൃത്തിഹീനമായ ചിറ കഴിഞ്ഞ ഏതാനും വർഷങ്ങളായി ഉപയോഗിക്കാനാകാത്ത നിലയിലാണ്. ഒ​രി​ക്ക​ലും വെ​ള്ളം വ​റ്റാ​ത്ത നീ​രു​റ​വ​യു​ള്ള ചി​റ​ വേ​നൽ​ക്കാ​ല​ത്തും ജ​ന​ങ്ങൾ​ക്ക് ആ​ശ്ര​യ​മാ​യി​രു​ന്നു. വൃത്തിഹീനമായതോടെ ​ജന​ങ്ങൾ​ക്ക് കു​ളി​ക്കാ​നും ന​ന​യ്​ക്കാ​നും ചിറ ഉപയയോഗിക്കാൻ ക​ഴി​യാ​ത്ത അ​വ​സ്ഥ​യാ​ണ്. നാ​ലു​വ​ശ​വും ഭം​ഗി​യാ​യി ക​ല്ലു​കെ​ട്ടി സംരക്ഷിച്ചിട്ടുണ്ടെങ്കിലും ചിറയുടെ ഒരുഭാഗത്ത് മാലിന്യം നിക്ഷേപിക്കുന്നത് തുടരുകയാണ്.

ജലം നെൽകൃഷിക്കും

പ​ണ്ട് ഈ ചി​റ​യിൽ നി​ന്നും നെൽ​കൃ​ഷി​ക്കും ജ​ലം കൊ​ണ്ടു​പോ​യിരുന്നു. കൃ​ഷി ഇ​ല്ലാ​താ​യ​തോ​ടെ ജ​ലം കൊ​ണ്ടു​പോ​കു​ന്നത് നിന്നു. പ​മ്പ് സെ​റ്റ് പു​ര​ ഇപ്പോഴും ചിറയ്ക്ക് സമീപമുണ്ട്. സമീപത്ത് താമസിക്കുന്ന അ​ന്യ​സം​സ്ഥാ​ന തൊ​ഴി​ലാ​ളി​കൾക്കും ചിറ ആ​ശ്ര​യ​മാ​യി​രു​ന്നു. ദി​വ​സം നൂ​റു​ക​ണ​ക്കി​ന് ആൾ​ക്കാർ ഉ​പ​യോ​ഗി​ച്ചു​കൊ​ണ്ടി​രി​ക്കു​ന്ന ചി​റ ഉ​ടൻ ന​വീ​ക​രി​ക്കണമെന്നാണ് നാ​ട്ടു​കാരുടെ ആവശ്യം.

ആ​ല​ഞ്ചേ​രി അ​ണു​ങ്ങൂർ ചി​റ പ്ര​ദേ​ശ​ത്തെ പ്ര​ധാ​ന ജ​ല​സ്രോ​ത​സു​ക​ളിൽ ഒ​ന്നാ​ണ്. നി​ത്യേ​ന 100 ക​ണ​ക്കി​ന് ആൾ​ക്കാർ കു​ളി​ക്കു​ക​യും കു​ട്ടി​കൾ നീ​ന്തൽ പ​രി​ശീ​ല​നം ന​ട​ത്തു​ക​യും ചെയ്തിരുന്നു. എ​ന്നാൽ ഇ​ന്ന് ചി​റ മാ​ലി​ന്യ മൂ​ലം ഉ​പ​യോ​ഗ​ശൂ​ന്യ​മാ​ണ്. ചിറ ഉ​ടൻ ത​ന്നെ വൃ​ത്തി​യാ​ക്കി ഉ​പ​യോ​ഗ​പ്ര​ദ​മാ​ക്കേ​ണ്ട​ത് നാ​ടി​ന്റെ ആ​വ​ശ്യ​മാ​ണ്

ആ​ല​ഞ്ചേ​രി ജ​യ​ച​ന്ദ്രൻ

പൊ​തു​പ്ര​വർ​ത്ത​കൻ

ആ​ല​ഞ്ചേ​രി അ​ണു​ങ്ങൂർ ചി​റ ന​വീ​ക​രി​ക്കേ​ണ്ട​ത് സ്ഥ​ല​വാ​സി​കൾ​ക്ക് വ​ള​രെ അ​ത്യാ​വ​ശ്യ​മാ​ണ്. വേ​നൽ​ക്കാ​ലമാ​യ​തി​നാൽ ജ​ന​ങ്ങൾ കു​ളി​ക്കാൻ വരെ വ​ള​രെ ബു​ദ്ധി​മു​ട്ടു​ന്നു. അ​ടി​യ​ന്ത​ര​മാ​യി ചി​റ ​വൃ​ത്തിയാക്കണം

ആ​ല​ഞ്ചേ​രി മോ​ഹ​നൻ
കേ​ര​ള​കൗ​മു​ദി ഏ​ജന്റ്