കരുനാഗപ്പള്ളി: ബാബാ സാഹേബ് ഡോ.ബി.ആർ.അംബേദ്കർ രൂപകൽപ്പന ചെയ്ത ഇന്ത്യൻ ഭരണഘടനയെയും ഡോ.ബി.ആർ അംബേദ്കറേയും വിസ്മൃതിയിൽ ആഴ്ത്താൻ ശ്രമിക്കുന്ന സംഘ പരിവാർ ശക്തികളുടെ ശ്രമം ഇന്ത്യയിൽ വില പോകില്ലെന്ന് സി.ആർ മഹേഷ് എം.എൽ.എ പറഞ്ഞു. ഡോ.ബി.ആർ.അംബേദ്കറുടെ 133-ാം ജയന്തി ആഘോഷവും ഡോ.ബി.ആർ അംബേദ്കർ സ്റ്റഡി സെന്റർ ആൻഡ് ചാരിറ്റബിൾ ട്രസ്റ്റിന്റെ 6-ാമത് വാർഷിക ആഘോഷവും ഉദ്ഘാടനം ചെയ്യുകയായിരുന്നു അദ്ദേഹം. സ്റ്റഡി സെന്റർ പ്രസിഡന്റ് ബോബൻ ജി.നാഥ് അദ്ധ്യക്ഷനായി. ചൂളൂർ ഷാനി, എൻ.അജയകുമാർ, നീലി കുളം സദാനന്ദൻ, ബി.മോഹൻദാസ്, ആർ.സനജൻ, അജി ലൗലാന്റ്, കെ.ശിവദാസൻ, അനില ബോബൻ, സോമ അജി, പ്രേം ഭാസിൻ, എസ്.മോളി, ശിവരാജൻ, സജീത, അമ്പിളി ശ്രീകുമാർ, ഹമീദ് കുഞ്ഞ്, അഭിനവ് എന്നിവർ സംസാരിച്ചു.