കൊല്ലം: വിഷുദിനത്തിൽ ബൈക്ക് മതിലിൽ ഇടിച്ചുണ്ടായ അപകടത്തിൽ യുവാവ് മരിച്ചു. ത​ഴു​ത്ത​ല പേ​ര​യം ശ്രീഭ​വ​നിൽ രാ​ധാ​കൃ​ഷ്​ണ​ന്റെയും ചി​ത്ര​യു​ടെ​യും മ​കൻ ശ​ര​ത്ത് ലാലാണ് (25) മരിച്ചത്. ത​ഴു​ത്ത​ല പു​തു​ച്ചി​റ ഇന്ത്യൻ പ​ബ്ലി​ക് സ്​കൂ​ളി​ന് മുൻ​വ​ശത്തെ വ​ള​വിൽ വി​ഷു ദി​വ​സം വെ​ളു​പ്പി​ന് ര​ണ്ടു​മ​ണി​യോ​ടെയായിരുന്നു അപകടം.

ആ​ശ്രാ​മം ശ്രീ​കൃ​ഷ്​ണ​സ്വാ​മി ക്ഷേ​ത്ര​ത്തി​ലെ തി​രു​വാ​ഭ​ര​ണ ഘോ​ഷ​യാ​ത്ര​യു​ടെ വ​ര​വേ​ൽപ്പിൽ വി​ള​ക്കുവ​ച്ച് സ്വീ​ക​ര​ണ പ​രി​പാ​ടി ക​ഴി​ഞ്ഞ് വീ​ട്ടി​ലേ​ക്ക് വ​രു​കയായിരുന്നു. ഇ​റ​ക്ക​വും വ​ള​വും ച​രി​വുമുള്ള ഭാഗത്തുവച്ചാണ് ബൈക്കിന്റെ നിയന്ത്രണം തെറ്റി മതിലിൽ ഇടിച്ചത്.

വിവരം അറിഞ്ഞ് പൊലീസ് എത്തിയപ്പോഴേക്കും മരിച്ചിരുന്നു. ​സം​സ്​കാ​രം നടത്തി. കൊ​ല്ലം ആ​ശ്രാ​മം മൈ​ത​ന​ത്തി​ന് സ​മീ​പ​മു​ള്ള മൊ​ബൈൽ ഷോ​പ്പിൽ സർ​വീ​സ് എൻ​ജി​നി​യ​റാ​യി​രു​ന്നു. ഭാ​ര്യ: മി​ഥു​ല.