കൊല്ലം: എൻ.ഡി.എ മാവേലിക്കര, കൊല്ലം മണ്ഡലം ലോക്‌സഭാ സ്ഥാനാർത്ഥികളായ ബൈജു കലാശാല, ജി.കൃഷ്ണകുമാർ എന്നിവരുടെ തിരഞ്ഞെടുപ്പ് പ്രചാരണാർത്ഥം കേന്ദ്ര പ്രതിരോധ മന്ത്രി രാജ്‌നാഥ് സിംഗ് ഇന്ന് ജില്ലയിലെ രണ്ട് റാലികളിൽ പങ്കെടുക്കും. ഉച്ചക്ക് 1.30ന് കൊട്ടാരക്കര എസ്.ഡി കോളേജ് ഗ്രൗണ്ടിസെത്തുന്ന പ്രതിരോധ മന്ത്രി കൊട്ടാരക്കര റയിൽവേ സ്റ്റേഷന് സമീപമുള്ള അമ്പലക്കര ഗ്രൗണ്ടിൽ നടക്കുന്ന എൻ.ഡി.എ റാലിയിൽ പങ്കെടുത്ത ശേഷം റോഡ് മാർഗം സഞ്ചരിച്ച് കേരളപുരത്തെത്തും. വൈകിട്ട് 3 ന് കേരള പുരത്തിന് സമീപം പ്രത്യേകം തയ്യാറാക്കിയ വേദിയിൽ നടക്കുന്ന എൻ.ഡി.എ റാലിയിൽ പങ്കെടുക്കും. ജില്ലാ പ്രസിഡന്റ് ബി.ബി.ഗോപകുമാർ അദ്ധ്യക്ഷനാകും.