കുണ്ടറ: കെ.എസ്.ആർ.ടി. സി ബസും ബൈക്കും കൂട്ടിയിടിച്ച് മരി​ച്ച യുവാവി​ന്റെ സഹോദരനും ചികിത്സയിലി​രി​ക്കെ മരി​ച്ചു. കുമ്പളം പബ്ലിക് ലൈബ്രറിക്ക് സമീപം പ്രമോദ് നിവാസിൽ പ്രണവ് എൽ.ദാസ് (15) ആണ് മരിച്ചത്. അപകടത്തി​ൽ സഹോദരൻ പ്രമോദ് സംഭവദി​വസം തന്നെ മരണമടഞ്ഞി​രുന്നു.

ഇന്നലെ രാവിലെ 10ഓടെയാണ് പ്രണവ് മരണത്തിനു കീഴടങ്ങിയത്. പേരയം സൗന്ദര്യ ജംഗ്ഷന് സമീപം വരമ്പ് ഭാഗത്ത് വെള്ളിയാഴ്ച രാവിലെ 8.30 ഓടെയായിരുന്നു അപകടം. കുണ്ടറ ഭാഗത്തു നിന്നു ചിറ്റുമല ഭാഗത്തേക്ക് പോയ ബസ് എതിരെ വന്ന ബൈക്കി​ൽ ഇടി​ക്കുകയായി​രുന്നു. റോഡിന്റെ ഇരുവശങ്ങളിലും വീട്ടുകാരും കടക്കാരും നിരത്തിവച്ചിരിക്കുന്ന പാറക്കല്ലുകളാണ് അപകടങ്ങൾക്ക് കാരണമെന്ന് യാത്രക്കാർ പറയുന്നു. പ്രണവ് പത്താം ക്ലാസ് പരീക്ഷയെഴുതി​ ഫലം കാത്തി​രി​ക്കുകയായി​രുന്നു.