കൊല്ലം: നഗരത്തിന്റെ സ്പന്ദനമായി കൊല്ലം ലോക്സഭ മണ്ഡലത്തിലെ യു.ഡി.എഫ് സ്ഥാനാർത്ഥി എൻ.കെ. പ്രേമചന്ദ്രൻ. തിരഞ്ഞെടുപ്പ് സ്വീകരണത്തിന്റെ ഭാഗമായി കൊല്ലം മണ്ഡലത്തിൽ രണ്ടാം ഘട്ട പ്രചരണത്തിനെത്തിയ പ്രേമചന്ദ്രനു ലഭി​ച്ചത് ഹൃദ്യമായ വരവേൽപ്പ്.

സ്വീകരണ സ്ഥലത്തെത്തിയ അദ്ദേഹം കുട്ടികൾ ഉൾപ്പെടെയുള്ളവരോട് കുശലാന്വേഷണം നടത്തി. തുടർന്ന് കുട്ടികൾ നൽകിയ സമ്മാനങ്ങൾ ഏറ്റുവാങ്ങി. സ്വീകരണങ്ങൾക്കുശേഷം വോട്ടർമാരുടെ ഹൃദയത്തിൽ തൊട്ടുകൊണ്ടുള്ള പ്രസംഗം. ശേഷം എല്ലാവരെയും അഭിവാദ്യം ചെയ്ത് അടുത്ത സ്വീകരണ കേന്ദ്രത്തി​ലേക്ക്. സ്ഥാനാർത്ഥിയോടൊപ്പം ശശികുമാർ, അഡ്വ. ബിന്ദുകൃഷ്ണ, പി.ആർ. പ്രതാപചന്ദ്രൻ, ആർ. സുനിൽ, സൂരജ് രവി, ഞാറയ്ക്കൽ സുനിൽ, ബി.മുരളീധരൻ, ഓമനക്കുട്ടൻപിള്ള, പെരിനാട് തുളസി, പുന്തല മോഹനൻ, സരസ്വതി രാമചന്ദ്രൻ, വിധു, കെ. സനൽകുമാർ, സുഭാഷ് കല്ലട, കുരീപ്പുഴ മോഹനൻ എന്നി​വരും ഉണ്ടായിരുന്നു.