കൊല്ലം: കെ.എസ്.ആർ.ടി.സി ബസും ബൈക്കും കൂട്ടിയിടിച്ച് ബൈക്ക് യാത്രി​കനായ സി​വി​ൽ പൊലീസ് ഓഫീസർ മരിച്ചു. കൊട്ടാരക്കര കൺ​ട്രോൾ റൂമി​ലെ ഉദ്യോഗസ്ഥനായ, പള്ളിക്കൽ സന്നിധിയിൽ (രേവതി വടക്കേക്കര) രാജേന്ദ്രൻ പിള്ളയുടെ മകൻ അരുൺ രാജ് (37) ആണ് മരിച്ചത്.

ശനിയാഴ്ത രാത്രി 10.45ന് എഴുകോൺ നെടുമ്പായിക്കുളം ജംഗ്ഷന് സമീപത്തായി​രുന്നു അപകടം. കൊല്ലം ഭാഗത്തേക്ക് പോയ ബസ് അരുൺ സഞ്ചരിച്ച ബൈക്കി​ൽ ഇടി​ക്കുകയായി​രുന്നു. കുണ്ടറയി​ൽ നിന്ന് കൊട്ടാരക്കരയിലേക്ക് വരികയായിരുന്നു അരുൺ. റോഡിലേക്ക് തെറിച്ചുവീണ അരുണി​ന്റെ തലയ്‌ക്ക് ഉൾപ്പെടെ ഗുരുതരമായി പരിക്കേറ്റ് സംഭവസ്ഥലത്തു തന്നെ മരണം സംഭവി​ച്ചു.

പാരിപ്പള്ളി മെഡി. ആശുപത്രിയിൽ പോസ്റ്റ്മോർട്ടം നടത്തി. സംസ്കാരം ഇന്ന് ഉച്ചയ്ക്ക് 12.30 വീട്ടുവളപ്പിൽ. അമ്മ: തങ്കമണിയമ്മ. സഹോദരൻ: അതുൽ രാജ്, ഭാര്യ: പാർവ്വതി. മകൾ: സാധിക