കൊല്ലം: വോട്ട് ചെയ്യുന്നതി​ന്റെ പ്രാധാന്യ പ്രചരണാർത്ഥം മാദ്ധ്യമ പ്രവർത്തകരുടെയും കളക്ടറുടെയും ടീമുകൾ ഏറ്റുമുട്ടി​യ ക്രി​ക്കറ്റ് മത്സരത്തി​ൽ കളക്ടറുടെ ‌ടീമി​ന് വി​ജയം. സ്വീപ് (സിസ്റ്റമറ്റിക് വോട്ടേഴ്‌​സ് എഡ്യുക്കേഷൻ ആൻഡ് ഇലക്ടറൽ പാർട്ടിസിപ്പേഷൻ) നടത്തുന്ന പരിപാടികളുടെ ഭാഗമായാണ് മത്സരം നടത്തി​യത്. സിറ്റി പൊലിസ് കമ്മി​ഷണർ വി​വേക്, സബ്കളക്ടർ മുകുന്ദ് ഠാക്കൂർ, എ.ഡി.എം സി.എസ്. അനിൽ തുടങ്ങിയവർ കളക്ടർ എൻ. ദേവീദാസിന്റെ ടീമി​ൽ അംഗങ്ങളായി​രുന്നു. എട്ട് ഓവർ മത്സരത്തിൽ ആദ്യം ബാറ്റുചെയ്ത മാദ്ധ്യമ പ്രവർത്തകർ 69 റൺസ് നേടി. 5 ഓവറിൽ കളക്ടറുടെ ടീം വിജയം കൊയ്തു. ആശ്രാമം മൈതാനത്തായി​രുന്നു മത്സരം.