കൊല്ലം: തിരഞ്ഞെടുപ്പിന്റെ പശ്ചാത്തലത്തിൽ ജില്ലയിൽ ഇന്ന് വൈകിട്ട് 6 മുതൽ 27ന് രാവിലെ ആറു വരെ കളക്ടർ നിരോധനാ‌ജ്ഞ പ്രഖ്യാപിച്ചു.
നിയമവിരുദ്ധമായ പൊതുമീറ്റിംഗുകൾ, റാലികൾ, ജില്ലയിലെ അസംബ്ലി മണ്ഡലങ്ങളിൽ വോട്ടർമാരല്ലാത്ത രാഷ്ട്രീയകക്ഷി നേതാക്കളും പ്രവർത്തകരും മണ്ഡലത്തിൽ തുടരുന്നത്, ഉച്ചഭാഷിണികളുടെ ഉപയോഗം, ഇലക്ട്രോണിക് മാദ്ധ്യമങ്ങളിലെ അഭിപ്രായ-പോൾ സർവ്വേകൾ, പോളിംഗ് സ്റ്റേഷനുകളുടെ ഉള്ളിൽ സെല്ലുലാർ- കോഡ്ലെസ് ഫോണുകൾ, വയർലെസ് സെറ്റുകൾ എന്നിവയുടെ ഉപയോഗം തുടങ്ങി​യവയ്ക്കാണ് നി​രോധനം.

പ്രത്യേക അനുമതിയുള്ള പോളിംഗ് ഉദ്യോഗസ്ഥർ ഒഴികെയുള്ളവർ പോളിംഗ് സ്റ്റേഷന് 100 മീറ്റർ ചുറ്റളവിൽ കോഡ്ലെസ് ഫോണുകൾ, വയർലെസ് സെറ്റുകൾ എന്നി​വ ഉപയോഗിക്കരുത്. ഇലക്ഷൻ ദിവസം പോളിംഗ് സ്റ്റേഷന് 200 മീറ്റർ ചുറ്റളവിലെ തിരഞ്ഞെടുപ്പ് പ്രചാരണം ഒഴി​വാക്കണം. ആയുധം കൈവശം സൂക്ഷിക്കാൻ അനുമതി ഉള്ളവർ ഒഴികെ പോളിംഗ് സ്റ്റേഷനിലോ പരിസരത്തോ ആയുധവുമായി​ എത്തരുത്.