കൊല്ലം: മോചനദ്രവ്യം ആവശ്യപ്പെട്ട് ഓയൂർ ഓട്ടുമലയിൽ നിന്ന് ആറു വയസുകാരിയെ തട്ടിക്കൊണ്ടുപോയ കേസിലെ മൂന്നാം പ്രതി അനുപമയുടെ ജാമ്യാപേക്ഷ വാദം കേൾക്കാനായി 29ലേക്ക് മാറ്റി. കൊല്ലം ഫസ്റ്റ് അഡി​ഷണൽ സെഷൻസ് ജഡ്ജി പി എൻ. വിനോദ് മുൻപാകെയാണ് ജാമ്യാപേക്ഷ സമർപ്പിച്ചത്. വിചാരണ നടപടികൾ ഉടൻ ആരംഭിക്കാൻ കസ്റ്റഡി ട്രയലിന് പ്രോസിക്യൂഷൻ അപേക്ഷ സമർപ്പിച്ചതിനെ തുടർന്നാണ് കേസ് മാറ്റിയത്. വിദ്യാർത്ഥിയായ അനുപമയുടെ പഠനം തുടരാൻ ജാമ്യം നൽകണമെന്നാണ് ആവശ്യം.