തൃശൂർ: ചലച്ചിത്ര ഗാനരചയിതാവ് ജി.കെ. പള്ളത്ത് രചിച്ച ഗാനങ്ങളടങ്ങിയ പുസ്തകം ഗാനാർച്ചനയുടെ പ്രകാശനം നാളെ വൈകീട്ട് അഞ്ചിന് റീജ്യണൽ തിയറ്ററിൽ നടക്കും. മന്ത്രി കെ. രാജൻ ഉദ്ഘാടനം ചെയ്യും. നടൻ ടി.ജി. രവി അദ്ധ്യക്ഷനാകും. പിന്നണി ഗായകൻ പി. ജയചന്ദ്രൻ പുസ്തകപ്രകാശനം നിർവഹിക്കും. സിനിമാതാരം അപർണ ബാലമുരളി വിശിഷ്ടാതിഥിയാകും. പ്രൊഫ. ജി. ഗോപാലകൃഷ്ണൻ പുസ്തക പരിചയം നടത്തും. തുടർന്ന് കെ.പി. ബാലമുരളി നയിക്കുന്ന ഗാനസന്ധ്യയുമുണ്ടാകും. ചലച്ചിത്ര, നാടക ഗാനങ്ങൾ, ആത്മീയ ഗാനങ്ങൾ, ഓണപ്പാട്ടുകൾ, ആൽബം ഗാനങ്ങൾ, ദേശഭക്തി ഗാനങ്ങൾ എന്നിവയടങ്ങുന്നതാണ് പുസ്തകം. വാ‌ർത്താസമ്മേളനത്തിൽ പി. ബാലകൃഷ്ണൻ, നയന പ്രദീപ് ചന്ദ്രൻ, രാധിക മേനോൻ, എം. രാഹുൽ എന്നിവർ പങ്കെടുത്തു.