തൃശൂർ: ലോക്‌സഭാ തിരഞ്ഞെടുപ്പിനോട് അനുബന്ധിച്ച്‌ പോളിംഗ് ഉദ്യോഗസ്ഥർക്ക് 11, 12 തീയതികളിൽ നടത്താൻ നിശ്ചയിച്ച രണ്ടാംഘട്ട പരിശീലനം മുഖ്യ തിരഞ്ഞെടുപ്പ് ഉദ്യോഗസ്ഥന്റെ നിർദ്ദേശത്തെ തുടർന്ന് മാറ്റിവച്ചു. മണലൂർ നിയോജക മണ്ഡലത്തിന്റേത് ഒഴികെയുള്ളവ 18, 20 തീയതികളിൽ നടക്കും. 11, 12 തീയതികളിൽ ഗുരുവായൂർ ടൗൺഹാളിൽ നിശ്ചയിച്ചിരുന്ന മണലൂർ നിയോജക മണ്ഡലത്തിന്റെ രണ്ടാം ഘട്ട പരിശീലനം 17, 18 തീയതികളിലേക്ക് മാറ്റിവച്ചതായി ജില്ലാ തിരഞ്ഞെടുപ്പ് ഓഫീസർ കൂടിയായ കളക്ടർ വി.ആർ. കൃഷ്ണതേജ അറിയിച്ചു. പരിശീലന പരിപാടിയുടെ വേദിയും സമയക്രമത്തിലും മാറ്റമില്ല.