പുത്തൻചിറ: പതിറ്റാണ്ടുകളായി രാജ്യം കാത്തു സൂക്ഷിച്ചു പോന്ന മതേതരത്വവും ജനാധിപത്യവും തകർക്കാനാണ് സംഘപരിവാർ ശ്രമമെന്ന് എ.ഐ.സി.സി ജനറൽ സെക്രട്ടറി ദീപാദാസ് മുൻഷി പ്രസ്താവിച്ചു. ചാലക്കുടി ലോക്‌സഭാ മണ്ഡലം യു.ഡി.എഫ് സ്ഥാനാർത്ഥി ബെന്നി ബെഹ്നാന്റെ പ്രചാരണ പരിപാടിയുടെ ഭാഗമായി പുത്തൻചിറ കണ്ണികുളങ്ങരയിൽ ചേർന്ന യോഗത്തിൽ പ്രസംഗിക്കുകയായിരുന്നു അവർ. എ.ഐ.സി.സി ജനറൽ സെക്രട്ടറി വിശ്വനാഥ പെരുമാൾ, ഡി.സി.സി ജനറൽ സെക്രട്ടറിമാരായ വി.എ. അബദുൾ കരീം, ടി.എം. നാസർ, എ.എ. അഷറഫ്, അഡ്വ. വി.എം. മൊഹിയുദ്ദീൻ, യൂത്ത് കോൺഗ്രസ് സംസ്ഥാന വൈസ് പ്രസിഡന്റ് അഡ്വ. ഒ.ജെ. ജനീഷ്, മണ്ഡലം തിരഞ്ഞെടുപ്പ് കമ്മിറ്റി ചെയർമാൻ കെ.എൻ. സജീവൻ, ജനറൽ കൺവീനർമാരായ വി.എ. നദീർ, വി.എം. ബഷീർ, ജോപ്പി മങ്കിടിയാൻ എന്നിവർ പ്രസംഗിച്ചു.