ചിറയിൻകീഴ്: സമഗ്ര ശിക്ഷാകേരളം കണിയാപുരം ബി.ആർ.സിയുടെ നേതൃത്വത്തിൽ ഇടവിളാകം യു.പി സ്കൂളിൽ ശില്പശാല സംഘടിപ്പിച്ചു.മലയാളം മധുരം പദ്ധതിയുടെയും ശില്പശാലയുടെയും ഉദ്ഘാടനം കണിയാപുരം ബി.പി.സി ഡോ.ഉണ്ണികൃഷ്ണൻ പാറക്കൽ നിർവഹിച്ചു.പി.ടി.എ പ്രസിഡന്റ് എ.ബിനു അദ്ധ്യക്ഷത വഹിച്ചു.വായന പരിപോഷിപ്പിക്കുന്നതിനായി അവധിക്കാലത്ത് നടപ്പിലാക്കുന്ന മലയാളം മധുരം പദ്ധതിയുടെ ഭാഗമായി രക്ഷാകർത്താക്കൾക്ക് പുസ്തകങ്ങൾ വിതരണം ചെയ്തു.ബി.ആർ .സി ട്രെയിനർ ഷംനാ റാം വിഷയാവതരണം നടത്തി.സി.ആർ.സി കോഓർഡിനേറ്റർ വി.എസ്.റോയ്,പ്രഥമാദ്ധ്യാപിക എൽ.ലീന,എസ്.എം.സി ചെയർമാൻ ഇ.എ.സലാം,പള്ളിപ്പുറം ജയകുമാർ,എസ്.സീന എന്നിവർ പങ്കെടുത്തു.