കിളിമാനൂർ: സ്ഥ​ല​പ​രി​മി​തിയിൽ വീർ​പ്പു​മു​ട്ടു​ന്ന കിളിമാനൂർ പൊ​ലീ​സ് സ്‌​റ്റേഷ​ന് ബാ​ദ്ധ്യ​ത​യാ​യി സ്‌​റ്റേ​ഷൻ പ​രി​സര​ത്ത് കൂ​ട്ടി​യി​ട്ടി​രി​ക്കു​ന്ന വാ​ഹ​നങ്ങൾ. അ​പ​ക​ട​ങ്ങ​ളിൽ​പ്പെ​ട്ടതും വി​വി​ധ ​കേ​സു​ക​ളിലായി പി​ടി​ച്ചെ​ടു​ത്തതുമായ നൂറോളം വാ​ഹ​ന​ങ്ങ​ളാ​ണ് സ്‌​റ്റേ​ഷൻ പ​രി​സര​ത്തും സംസ്ഥാന പാതയോടു ചേർന്നും കൂ​ട്ടി​യി​ട്ടിരിക്കുന്നത്. ഇവ പലതും തുരുമ്പെടുത്തും കാടുകയറിയും നശിച്ചു. കൃ​ത്യമാ​യ രേ​ഖ​ക​ളില്ലാത്ത​വ, മോ​ഷ​ണ​ത്തിനും മറ്റും ഉ​പ​യോ​ഗി​ച്ച് ഉ​പേ​ക്ഷിച്ച​വ, മ​ണൽ​കട​ത്ത് ന​ട​ത്തു​ന്ന​തി​നി​ട​യിൽ പി​ടി​ക്ക​പ്പെ​ട്ട വാ​ഹന​ങ്ങൾ എ​ന്നി​വ കേസ് ര​ജി​സ്​റ്റർ ചെ​യ്ത് കോ​ട​തി​യിൽ സ​മർ​പ്പി​ക്കാ​റാ​ണ് പ​തി​വ്. വാ​ഹന​ങ്ങൾ പി​ടി​ച്ചെ​ടു​ത്ത​ശേ​ഷ​മു​ള്ള ന​ട​പ​ടി​ക്ര​മ​ങ്ങ​ളി​ലെ താ​മ​സ​മാണ് വാഹ​നം ഉടമസ്ഥന് വി​ട്ടു​കി​ട്ടു​ന്ന​ത്​ നീളാൻ കാരണം. പുതി​യ ഇ​രു​ച​ക്ര​വാ​ഹ​ന​ങ്ങൾ ​മു​തൽ ര​ണ്ട് വർ​ഷ​ത്തിൽ കൂ​ടു​തലാ​യ വാ​ഹന​ങ്ങൾ വ​രെ മോച​നം കാ​ത്ത് ഇവിടെയു​ണ്ട്. നി​ലവിൽ കോ​ട​തി​യിൽ കേസ് നടക്കുന്നവയുമുണ്ട്. ക്രി​മി​നൽ കേ​സു​ക​ളല്ലാ​ത്തവയിൽ ന​ട​പ​ടി​ക്രമ​ങ്ങൾ പൂർ​ത്തീക​രി​ച്ച ശേഷം വാ​ഹ​ന​ത്തി​ന്റെ ര​ജി​സ്‌​റ്റേഡ് ഓ​ണർ​ക്ക് വി​ട്ട് നൽ​കും. വർഷങ്ങൾ കഴിഞ്ഞ് വാ​ഹ​ന​ങ്ങൾ വിട്ടുകിട്ടിയാൽത്തന്നെ ഇ​വ നി​ര​ത്തി​ലോ​ടു​ന്ന വി​ധം പു​റ​ത്തി​റ​ക്ക​ണ​മെ​ങ്കിൽ വൻ തുക ചെലവാകും. ഉ​ട​മ​സ്ഥ​രെ​ത്താ​ത്തവ തൂ​ക്കി വിൽ​ക്കും. നിശ്ചി​ത കാ​ല​യള​വ് ക​ഴി​ഞ്ഞിട്ടും ഏ​റ്റെ​ടുക്കാൻ ആ​ളെ​ത്താ​ത്ത വാ​ഹ​ന​ങ്ങ​ളുടെ എ​ണ്ണം വർ​ഷ​ത്തി​ലൊ​രി​ക്കൽ ജില്ലാ പൊ​ലീ​സ് മേ​ധാ​വി​യു​ടെ നേ​തൃ​ത്വത്തിൽ സ്‌​റ്റേ​ഷ​നു​കളിൽ നി​ന്നും ശേ​ഖ​രിക്കാറുണ്ട്. തു​ടർ​ന്ന് തു​രു​മ്പെ​ടു​ത്ത വാ​ഹ​നങ്ങൾ, ഏ​റ്റെ​ടുക്കാൻ ആ​ളില്ലാ​ത്ത വാ​ഹന​ങ്ങൾ എന്നി​വ ലേ​ലം നടത്തി ആക്രി വി​ല​യ്​ക്ക് തൂ​ക്കി വി​റ്റാ​ണ് ഒ​രു പ​രി​ധി​വരെ സ്‌​റ്റേ​ഷ​നുകളിലെ വാഹന ബാഹുല്യം ഒഴിവാക്കുന്നത്. വാ​ഹന​ങ്ങൾ കൊ​ണ്ട് സംസ്ഥാന പാതയോരം നി​റ​ഞ്ഞി​രി​ക്കു​ന്ന​തിനാൽ അപകടങ്ങൾക്കും സാദ്ധ്യതയുണ്ട്.

വാഹനം സൂക്ഷിക്കണമെന്ന് ചട്ടം

ക്രി​മി​നൽ കേ​സു​ക​ളിൽ വാഹന​ങ്ങൾ പൊ​ലീസ് പിടിച്ചെടുത്താൽ വാ​ഹ​ന​ത്തിന്റെ ഫോട്ടോ എടുത്ത ശേഷം അതിൽ പരാതിക്കാരന്റെയും പ്രതിയുടെയും പിടിച്ചെടുത്ത ഉദ്യോഗസ്ഥന്റെയും ഒപ്പ് രേഖപ്പെടുത്ത​ണം. ശേ​ഷം വാ​ഹ​ന​ത്തി​ന്റെ വി​വരങ്ങൾ കോടതിയിൽ ഹാജരാക്കണം. വിചാരണ സമയത്ത് വാഹനത്തിന്റെ ഫോട്ടോ മാത്രം ഹാജരാക്കിയാൽ മ​തി​യെ​ങ്കിലും വാഹ​നം വി​ചാ​ര​ണ ന​ട​പ​ടി​കൾ പൂർ​ത്തി​യാ​കുന്നതുവ​രെ സ്‌​റ്റേ​ഷൻ പ​രി​സര​ത്ത് സൂ​ക്ഷി​ക്ക​ണ​മെ​ന്നാ​ണ് ചട്ടം.