തിരുവനന്തപുരം: സംസ്ഥാനത്ത് വിവിധ ലോക്സഭാ മണ്ഡലങ്ങളിലായി ഇന്നലെ 42 നാമനിർദ്ദേശ പത്രികകൾ സമർപ്പിച്ചതായി മുഖ്യ തിരഞ്ഞെടുപ്പ് ഓഫീസർ സഞ്ജയ് കൗൾ അറിയിച്ചു. ഇതുവരെ 56 സ്ഥാനാർത്ഥികളുടേതായി ആകെ ലഭിച്ചത് 79 നാമനിർദ്ദേശ പത്രികകളാണ്.ഇന്നും നാളെയും കൂടി പത്രിക സമർപ്പിക്കാം. ഏപ്രിൽ നാലാണ് അവസാന തീയതി. സൂക്ഷ്മ പരിശോധന ഏപ്രിൽ 5 ന് നടക്കും.ചൊവ്വാഴ്ച ലഭിച്ച നാമനിർദ്ദേശപത്രികകളുടെ മണ്ഡലം തിരിച്ചുള്ള എണ്ണം:
തിരുവനന്തപുരം-6, ആറ്റിങ്ങൽ-1, കൊല്ലം- 4, മാവേലിക്കര- 3, ആലപ്പുഴ-1, കോട്ടയം- 4, ഇടുക്കി-1, എറണാകുളം-1, ചാലക്കുടി-3, തൃശൂർ- 4, പാലക്കാട്- 3, കോഴിക്കോട്- 2, വയനാട്-4, വടകര-1, കണ്ണൂർ-1, കാസർകോട്-3.