തിരുവനന്തപുരം: വട്ടിയൂർക്കാവിൽ ഇന്നലെ പുലർച്ചെയുണ്ടായ തീപിടിത്തത്തിൽ വീട് കത്തിനശിച്ചു.വട്ടിയൂർക്കാവ് വെള്ളൈക്കടവ് സരസ്വതി ഭവനിൽ രത്നാകരന്റെ വീടാണ് കത്തിനശിച്ചത്. ഇന്നലെ പുലർച്ചെ 5ഓടെയായിരുന്നു സംഭവം. അടുക്കളയിൽ നിന്നുപടർന്ന തീ സമീപത്തെ ഡൈനിംഗ് റൂമിലേക്ക് വ്യാപിക്കുകയായിരുന്നു.അടുക്കളയിലെ വിറകടുപ്പിൽ നിന്ന് തീപടർന്നതാകാമെന്നാണ് പ്രാഥമിക നിഗമനം.അടുക്കള ഉപകരണങ്ങൾ,​ഗ്യാസ് സ്റ്റൗവ്,ഡൈനിംഗ് ടേബിൾ,​ഫ്രിഡ്ജ്,​​അലമാര,​പാത്രങ്ങൾ,​തുണികൾ തുടങ്ങിയവയാണ് കത്തിനശിച്ചത്.ചെങ്കൽച്ചൂളയിൽ നിന്നുള്ള മൂന്ന് യൂണിറ്റ് ഫയർഫോഴ്സ് ടീം ഒരു മണിക്കൂറോളം പ്രവർത്തിച്ചാണ് തീ അണച്ചത്.ചെങ്കൽച്ചൂള യൂണിറ്റിലെ എ.എസ്.ടി.ഒ അനിൽകുമാറിന്റെ നേതൃത്വത്തിൽ ഗ്രേഡ് എ.എസ്.ടി.ഒ ജയകുമാർ,​എഫ്.ആർ.ഒ രഞ്ജിത്ത്,​ശരത്,​അനീഷ്,​വിഷ്ണു നാരായണൻ,​അനീഷ് കുമാർ,​വിവേക്,​ബൈജു,​എൻ.കെ.അനു,​ബിജുമോൻ,​ശിവകുമാർ,​രഞ്ജിത് എന്നിവരടങ്ങിയ സംഘമാണ് തീ നിയന്ത്രണവിധേയമാക്കിയത്.