തിരുവനന്തപുരം : സ്‌കൂൾ വിദ്യാർത്ഥികളിൽ സ്വതന്ത്ര സോഫ്‌ടവെയറിൽ താൽപര്യം വളർത്തുക എന്ന ലക്ഷ്യത്തോടെ അന്താരാഷ്ട സ്വതന്ത്ര വിജ്ഞാന ഗവേഷണ വികസന കേന്ദ്രം (ICFOSS) അഞ്ചു ദിവസത്തെ സമ്മർ ക്യാമ്പ് സംഘടിപ്പിക്കും. എട്ട് മുതൽ 12 വരെ ഗ്രേഡുകളിൽ പഠിക്കുന്ന വിദ്യാർത്ഥികൾക്കായി ഫ്രീ ആൻഡ് ഓപ്പൺ സോഴ്സ് സോഫ്റ്റ്‌വെയറിൽ നടത്തുന്ന ക്യാമ്പ് മേയ് 6 മുതൽ 10 വരെ കാര്യവട്ടം സ്‌പോർട്സ് ഹബ്ബിലെ ഐസിഫോസിലാണ് നടക്കുന്നത്.

തത്സമയ ക്ലാസുകൾ, വ്യവസായ വിദഗ്ദ്ധരുടെ ഘടനാപരമായ പാഠ്യപദ്ധതി, സിമിലേഷനുകളിലൂടെയും പ്രോജക്ടുകളിലൂടെയും പ്രായോഗിക പരിജ്ഞാനം എന്നിവ കോഴ്സിന്റെ സവിശേഷതകളാണ്. ഓഫ് ലൈൻ മോഡിൽ (രാവിലെ 10 മുതൽ അഞ്ചുവരെ) നടത്തുന്ന ക്യാമ്പിലൂടെ സ്വതന്ത്ര സോഫ്ട്‌ വെയർ, ഉബുണ്ടു ബേസിക്സ്, സ്‌ക്രൈബ്സ് ഡെസ്‌ക്ടോപ്പ് പബ്ലിഷിംഗ് സോഫ്‌ട് വെയർ, പ്രോഗ്രാമിംഗ്, പൈത്തൺ, എ.ഐ എന്നീ വിഷയങ്ങളിൽ പരിശീലനം നൽകും.30 പേർക്കു പങ്കെടുക്കാം.ആദ്യം രജിസ്റ്റർ ചെയ്യുന്നവർക്കാണ് മുൻഗണന. മേയ് രണ്ടുവരെ അപേക്ഷിക്കാം.കൂടുതൽ വിവരങ്ങൾക്കും രജിസ്‌ട്രേഷനും https://icfoss.in/event-details/182 സന്ദർശിക്കുക .അല്ലെങ്കിൽ രാവിലെ 10 മുതൽ വൈകിട്ട് അഞ്ചുവരെ 7356610110,​ 0471-2413012/13/14 9400225962 എന്നീ നമ്പരുകളിൽ ബന്ധപ്പെടാവുന്നതാണ്.