കോവളം: വാഴമുട്ടത്തെ കയർ സമരത്തിൽ രക്തസാക്ഷിയായ അമ്മുവിന്റെ നാട്ടിൽ കയർ തൊഴിലാളികളും മത്സ്യത്തൊഴിലാളികളും എൽ.ഡി.എഫ് പ്രവർത്തകരും ചേർന്ന് പന്ന്യൻ രവീന്ദ്രന് പിന്തുണ പ്രഖ്യാപിച്ചുകൊണ്ട് പ്രകടനവും പൊതുയോഗവും നടത്തി. കോവളം ജംഗ്ഷനിൽ നിന്നും ആരംഭിച്ച പ്രകടനം വെള്ളാറിൽ സമാപിച്ചു. പ്രകടനത്തിനും പൊതുയോഗത്തിനും എൽ.ഡി.എഫ് നേതാക്കളായ എ.ജെ. സുക്കാർണോ, വെള്ളാർ വാർഡ് കൗൺസിലർ പനത്തുറ പി. ബൈജു, ഇലക്ഷൻകമ്മിറ്റി ചെയർമാൻ ഡി. ജയകുമാർ, ഭാരവാഹികളായ എസ്.പ്രശാന്തൻ, എം. അനിൽകുമാർ, കെ.എസ്. നടേശൻ, ഡി. ബിജോയ്, പ്രൊഫസർ ഡി. സജീവ് കുമാർ, വാഴമുട്ടം രാധാകൃഷ്ണൻ എന്നിവർ നേതൃത്വം നൽകി.