തിരുവനന്തപുരം: നാളെ വോട്ടിടാൻ പോകുന്നതിനുമുമ്പ് ജീവനക്കാർക്ക് മുഴുവൻ ശമ്പളവും കൊടുത്തു തീർക്കാനുള്ള തീവ്രശ്രമത്തിലാണ് കെ.എസ്.ആർ.ടി.സി മാനേജ്മെന്റ്. ഗതാഗത വകുപ്പിന്റെ നിരന്തര സമ്മർദ്ദത്തെ തുടർന്നാണ് ഇന്നലെ 30 കോടി രൂപ അനുവദിക്കാൻ ധനവകുപ്പ് തയ്യാറായത്. 38 കോടി രൂപയാണ് രണ്ടാം ഗ‌ഡു ശമ്പളത്തിനു വേണ്ടത്. 8 കോടി രൂപ കെ.എസ്.ആർ.ടി.സി കണ്ടെത്തും.

ഫയൽ ധനവകുപ്പിൽ നിന്നു ഗതാഗതവകുപ്പിലേക്കും തിരിച്ചും എത്തിയാലേ കെ.എസ്.ആർ.ടി.സിയുടെ ആക്കൗണ്ടിലേക്ക് പണം ലഭ്യമാകൂ. ലഭ്യമായ ഉടൻ ജീവനക്കാരുടെ അക്കൗണ്ടിലേക്ക് ശമ്പളത്തിന്റെ രണ്ടാം ഗഡു എത്തിക്കുമെന്ന് മാനേജ്മെന്റ് അറിയിച്ചു.

ഈ മാസം 9നാണ് ആദ്യ ഗഡു നൽകിയത്. ഏപ്രിൽ 15ന് പ്രതിദിന കളക്ഷനിൽ കെ.എസ്.ആർ.ടി.സി റെക്കാ‌‌ഡ് നേട്ടമുണ്ടാക്കിയിരുന്നു. 8.57കോടി രൂപയായിരുന്നു കളക്ഷൻ. രണ്ടാം ഗഡു ശമ്പളം വൈകിയെങ്കിലും പതിവ് സമരങ്ങളോ പ്രതിഷേധമോ സംഘടനകളുടെ ഭാഗത്തുനിന്നുണ്ടായില്ല.

30​കോ​ടി​ ​കൂ​ടി

ശ​മ്പ​ള​വും​ ​പെ​ൻ​ഷ​നും​ ​ന​ൽ​കാ​ൻ​ ​കെ.​എ​സ്.​ആ​ർ.​ടി.​സി​ക്ക് 30​ ​കോ​ടി​ ​കൂ​ടി​ ​സ​ർ​ക്കാ​ർ​ ​അ​നു​വ​ദി​ച്ചു.​ ​ഇ​തോ​ടെ​ ​ഏ​പ്രി​ൽ​ ​മാ​സ​ത്തി​ൽ​ ​ന​ൽ​കി​യ​ ​സ​ഹാ​യം​ 50​കോ​ടി​യാ​യി.