തിരുവനന്തപുരം: സംസ്ഥാനത്ത് ഉഷ്ണതരംഗ സാദ്ധ്യത നിലനിൽക്കുകയും താപനില ക്രമാതീതമായി ഉയരുകയും ചെയ്യുന്ന സാഹചര്യത്തിൽ വെയിലത്ത് ജോലി ചെയ്യുന്ന തൊഴിലാളികളുടെ സമയക്രമീകരണം മേയ് 15 വരെ നീട്ടിയതായി മന്ത്രി വി.ശിവൻകുട്ടി അറിയിച്ചു. ഉച്ചയ്ക്ക് 12 മുതൽ വൈകിട്ട് മൂന്നുവരെ തൊഴിലാളികൾ വെയിലത്ത് പണിയെടുക്കുന്നത് കണ്ടെത്തിയാൽ തൊഴിലുടമയ്ക്കെതിരെ കർശന നടപടി സ്വീകരിക്കും.

തൊഴിലിടങ്ങളിൽ കർശന പരിശോധനയ്ക്കായി ലേബർ കമ്മിഷണർ അർജുൻ പാണ്ഡ്യന് മന്ത്രി നിർദ്ദേശം നൽകി. ജില്ലാ ലേബർ ഓഫീസർമാരുടെ അടിയന്തര യോഗം ചേർന്ന് സ്ഥിതി വിലയിരുത്തി പരിശോധനകൾ ഊർജ്ജിതമാക്കും. ജില്ലാ ലേബർ ഓഫീസർ, ഡെപ്യൂട്ടി ലേബർ ഓഫീസർ, അസി. ലേബർ ഓഫീസർ എന്നിവരുടെ മേൽനോട്ടത്തിൽ പ്രത്യേക ടീമുകൾ ദിവസവും പരിശോധന നടത്തും.

ഫെബ്രുവരി മുതൽ ഏപ്രിൽ 30വരെ രാവിലെ ഏഴു മുതൽ വൈകിട്ട് ഏഴുവരെ ജോലിസമയം എട്ട് മണിക്കൂറാക്കിയ ഉത്തരവ് മേയ് 15 വരെ നീട്ടും. പകൽ സമയം ജോലി ചെയ്യുന്ന തൊഴിലാളികൾക്ക് ഉച്ചയ്ക്ക് 12 മുതൽ വൈകുന്നേരം മൂന്നുവരെ വിശ്രമവേളയായിരിക്കും. ഷിഫ്റ്റ് വ്യവസ്ഥയിൽ ജോലി ചെയ്യുന്ന തൊഴിലാളികൾക്ക് ഷിഫ്‌റ്രുകൾ ഉച്ചയ്ക്ക് 12ന് അവസാനിക്കുന്ന തരത്തിലും വൈകിട്ട് മൂന്നിന് ആരംഭിക്കുന്ന തരത്തിലുമാണ് പുന:ക്രമീകരണം. കൺസ്ട്രക്‌ഷൻ, റോഡ് നിർമാണ മേഖലകളിൽ കർശന പരിശോധന ഉറപ്പാക്കും. സമുദ്രനിരപ്പിൽ നിന്ന് 3000 അടിയിൽ കൂടുതൽ ഉയരമുള്ള,​ സൂര്യാഘാതത്തിന് സാദ്ധ്യതയില്ലാത്ത മേഖലകളെ ഉത്തരവിൽ നിന്നൊഴിവാക്കിയിട്ടുണ്ട്.

കു​ടി​വെ​ള്ള​ ​വി​ത​ര​ണം​ ​സ്വ​കാ​ര്യ​ ​ക​മ്പ​നി​ക്ക്:
ഉ​ന്ന​ത​ത​ല​ ​യോ​ഗം​ ​മാ​റ്റി

തി​രു​വ​ന​ന്ത​പു​രം​:​ ​കൊ​ച്ചി​ ​ന​ഗ​ര​ത്തി​ലെ​ ​കു​ടി​വെ​ള്ള​ ​വി​ത​ര​ണ​ച്ചു​മ​ത​ല​ ​സ്വ​കാ​ര്യ​ ​ക​മ്പ​നി​ക്ക് ​കൈ​മാ​റു​ന്ന​തി​ന് ​അ​ന്തി​മ​രൂ​പം​ ​ന​ൽ​കാ​നാ​യി​ ​ഇ​ന്ന​ലെ​ ​ചേ​രാ​നി​രു​ന്ന​ ​ഉ​ന്ന​ത​ത​ല​ ​യോ​ഗം​ ​ജ​ല​ ​അ​തോ​റി​ട്ടി​യി​ലെ​ ​വി​വി​ധ​ ​സം​ഘ​ട​ന​ക​ളു​ടെ​ ​പ്ര​തി​ഷേ​ധ​ത്തെ​ ​തു​ട​ർ​ന്ന് ​മാ​റ്റി.​ ​ചീ​ഫ് ​സെ​ക്ര​ട്ട​റി​യു​ടെ​ ​അ​ദ്ധ്യ​ക്ഷ​ത​യി​ലാ​ണ് ​യോ​ഗം​ ​നി​ശ്ച​യി​ച്ചി​രു​ന്ന​ത്.​ ​മേ​യ് 6​ന് ​വീ​ണ്ടും​ ​യോ​ഗം​ ​ചേ​രും.​ ​കൊ​ച്ചി,​​​ ​തി​രു​വ​ന​ന്ത​പു​രം​ ​ന​ഗ​ര​ങ്ങ​ളി​ലെ​ ​ജ​ല​വി​ത​ര​ണം​ ​സ്വ​കാ​ര്യ​ ​ക​മ്പ​നി​യെ​ ​ഏ​ല്പി​ക്കാ​ൻ​ ​സ​ർ​ക്കാ​ർ​ ​നേ​ര​ത്തെ​ ​തീ​രു​മാ​നി​ച്ചി​രു​ന്നു.​ ​ആ​ദ്യ​ഘ​ട്ട​ത്തി​ൽ​ ​കൊ​ച്ചി​യി​ലാ​ണ് ​പ​ദ്ധ​തി​ ​ന​ട​പ്പാ​ക്കു​ക.​ ​ആ​കെ​ 2510​ ​കോ​ടി​യാ​ണ് ​ഇ​തി​നാ​യി​ ​ചെ​ല​വി​ടു​ക.​ ​സ്വ​കാ​ര്യ​ ​മേ​ഖ​ല​യ്ക്ക് ​ന​ൽ​കാ​നു​ള്ള​ ​നീ​ക്ക​ത്തെ​ ​നേ​ര​ത്തെ​ ​ത​ന്നെ​ ​സം​ഘ​ട​ന​ക​ൾ​ ​എ​തി​ർ​ത്തി​രു​ന്നു.​ ​ഇ​ന്ന​ലെ​ ​സം​യു​ക്ത​ ​സ​മ​ര​സ​മി​തി​യു​ടെ​ ​നേ​തൃ​ത്വ​ത്തി​ൽ​ ​ടെ​ക്നി​ക്ക​ൽ​ ​മെ​മ്പ​റു​ടെ​ ​ഓ​ഫീ​സി​ലേ​ക്ക് ​പ്ര​ക​ട​നം​ ​ന​ട​ന്നു.​ ​അ​ക്വ​ ​ജി​ല്ലാ​ ​പ്ര​സി​ഡ​ന്റ് ​മ​ണി​ ​മ​ഞ്ജു​ഷ,​​​ ​വാ​ട്ട​ർ​ ​അ​തോ​റി​ട്ടി​ ​എം​പ്ലോ​യീ​സ് ​യൂ​ണി​യ​ൻ​ ​സം​സ്ഥാ​ന​ ​ട്ര​ഷ​റ​ർ​ ​ഒ.​ആ​ർ.​ഷാ​ജി,​​​ ​ജി​ല്ലാ​ ​സെ​ക്ര​ട്ട​റി​ ​എം.​ആ​ർ.​മ​നു​ഷ്,​​​ ​അ​ക്വ​ ​സം​സ്ഥാ​ന​ ​പ്ര​സി​ഡ​ന്റ് ​ത​മ്പി,​​​ ​ഓ​ൾ​ ​കേ​ര​ള​ ​വാ​ട്ട​ർ​ ​അ​തോ​റി​ട്ടി​ ​എം​പ്ലോ​യീ​സ് ​യൂ​ണി​യ​ൻ​ ​(​എ.​ഐ.​ടി.​യു.​സി​)​​​ ​സം​സ്ഥാ​ന​പ്ര​സി​ഡ​ന്റ് ​എം.​എം.​ജോ​ർ​ജ്,​​​ ​പി.​എ​സ്.​അ​ജ​യ​കു​മാ​ർ,​​​ ​റെ​ജി​ ​തു​ട​ങ്ങി​യ​വ​ർ​ ​സം​സാ​രി​ച്ചു.