തിരുവനന്തപുരം: കണ്ണൂർ ഏഴിമല നാവിക അക്കാഡമിയിലേക്ക് റോഡ് നിർമ്മിച്ചതുമായി ബന്ധപ്പെട്ട ഫയലുകൾ ഹാജരാക്കാത്ത സംഭവത്തിൽ വിജിലൻസ് അന്വേഷണം നടത്താൻ സംസ്ഥാന വിവരാവകാശ വിവരാവകാശ കമ്മിഷണർ എ.അബ്ദുൾ ഹക്കീമിന്റെ ഉത്തരവ്. ടോപ്പ് റോഡിന്റെ ശേഷി വർദ്ധിപ്പിക്കാൻ 1998ൽ നടത്തിയ 1,71,29,902 രൂപയുടെ പണികൾ സംബന്ധിച്ച ഫയലുകൾ കാണാനില്ലെന്ന് പൊതുമരാമത്ത് വകുപ്പ് ഉദ്യോഗസ്ഥർ

അറിയിച്ചതിനെ തുടർന്നാണിത്. ചീഫ് എൻജിനിയറുടെ ഓഫീസുകളിലടക്കം അന്വേഷണം നടത്തി രേഖകൾ കണ്ടെത്തി നൽകാനാണ് നിർദ്ദേശം.

ചന്ദ്രഗിരി കൺസ്ട്രക്ഷൻ കമ്പനിയാണ് പണി നടത്തിയത്. കമ്മിഷൻ നടത്തിയ തെളിവെടുപ്പിൽ കമ്പനിക്ക് 73,91,032 രൂപ നല്കിയതായി കണ്ടെത്തിയിരുന്നു. എന്നാൽ തുടർപ്രവൃത്തികളുടെയോ വീണ്ടും നൽകേണ്ട തുകയുടെയോ പണി പൂർത്തിയാക്കിയതിന്റെയോ രേഖകൾ കാണാനില്ലെന്ന് ചീഫ് എൻജിനിയർ, ഉത്തരമേഖല സൂപ്രണ്ടിംഗ് എൻജിനിയർ, കണ്ണൂർ എക്സിക്യുട്ടീവ് എൻജിനിയർ, അസി. എക്സിക്യുട്ടീവ് എൻജിനിയർ എന്നിവർ കമ്മിഷനെ അറിയിച്ചു.

അംഗീകൃത പി.എ.സി, റിവൈസ്ഡ് എസ്റ്റിമേറ്റ്, ബിൽകോപ്പി, എം ബുക്കിന്റെ പകർപ്പ്, ഭരണ- സാങ്കേതിക- സാമ്പത്തിക അനുമതികൾ, ടെൻഡർ, പണി അനുവദിച്ച് നല്കൽ, പൂർത്തീകരണ സർട്ടിഫിക്കറ്റ് തുടങ്ങിയവയും ലഭ്യമല്ലെന്നും അറിയിച്ചു. പണിയുമായി ബന്ധപ്പെട്ട ഓഡിറ്റ് നടക്കുന്നതിന് മുമ്പാണ് ഫയലുകൾ നഷ്ടപ്പെട്ടത്. വിഷയം സംശയത്തിന്റെ നിഴലിലാണെന്ന് കമ്മിഷൻ വിലയിരുത്തി.

റോഡ് നിർമ്മിച്ചതിന്റെ മുഴുവൻ തുകയും ലഭിച്ചില്ലെന്നു ചൂണ്ടിക്കാട്ടി ചന്ദ്രഗിരി കൺസ്ട്രക്ഷൻ 2020ൽ ഹൈക്കോടതിയെ സമീപിച്ചിരുന്നു. ഇക്കാര്യത്തിൽ തീർപ്പുണ്ടാക്കാൻ വിവരാവകാശ കമ്മിഷനോട് കോടതി നിർദ്ദേശിച്ചു. തുടർന്ന് തിരുവനന്തപുരം, കണ്ണൂർ, കോഴിക്കോട്, മലപ്പുറം എന്നിവിടങ്ങളിൽ ഹിയറിംഗ് ഉൾപ്പെടെ കമ്മിഷൻ നടത്തിയിരുന്നു.

ക​രു​വ​ന്നൂ​ർ​ ​കേ​സ്:
സി.​പി.​എം​ ​അ​ക്കൗ​ണ്ട്
വി​വ​രം​ ​ഇ.​ഡി​ക്ക് ​ന​ൽ​കി

കൊ​ച്ചി​:​ ​ക​രു​വ​ന്നൂ​ർ​ ​സ​ഹ​ക​ര​ണ​ ​ബാ​ങ്ക് ​ത​ട്ടി​പ്പ് ​കേ​സി​ൽ​ ​സി.​പി.​എം​ ​തൃ​ശൂ​ർ​ ​ജി​ല്ലാ​ ​ക​മ്മി​റ്റി​യു​ടെ​യും​ ​കീ​ഴ്ഘ​ട​ക​ങ്ങ​ളു​ടെ​യും​ ​ബാ​ങ്ക് ​അ​ക്കൗ​ണ്ട് ​വി​വ​ര​ങ്ങ​ൾ​ ​ഇ.​ഡി​ക്ക് ​മു​മ്പി​ൽ​ ​ജി​ല്ലാ​ ​സെ​ക്ര​ട്ട​റി​ ​എം.​എം.​ ​വ​ർ​‌​ഗീ​സ് ​ഹാ​ജ​രാ​ക്കി.​ ​ഇ​ന്ന​ലെ​ ​ചോ​ദ്യം​ ​ചെ​യ്യ​ൽ​ ​വേ​ള​യി​ലാ​ണ്കൈ​മാ​റി​യ​ത്.​ ​ഇ​വ​ ​ഇ.​ഡി​ ​ആ​വ​ശ്യ​പ്പെ​ട്ടി​രു​ന്നു.​ ​വ​ർ​ഗീ​സി​നെ​ 10​ ​മ​ണി​ക്കൂ​റോ​ളം​ ​ചെ​യ്ത​ശേ​ഷം​ ​വി​ട്ട​യ​ച്ചു.​ ​വീ​ണ്ടും​ ​ഹാ​ജ​രാ​കാ​ൻ​ ​നോ​ട്ടീ​സ് ​ന​ൽ​കി​യി​ട്ടു​ണ്ട്.​ ​ആ​വ​ശ്യ​പ്പെ​ട്ട​ ​രേ​ഖ​ക​ൾ​ ​ഹാ​ജ​രാ​ക്കി​യി​ട്ടു​ണ്ടെ​ന്നും​ ​അ​ന്വേ​ഷ​ണ​ത്തി​നാ​യി​ ​സ​ഹ​ക​രി​ക്കു​മെ​ന്നും​ ​വ​ർ​ഗീ​സ് ​പ​റ​ഞ്ഞു.
ക​രു​വ​ന്നൂ​ർ​ ​ബാ​ങ്കി​നു​ ​പു​റ​മെ​ ​തൃ​ശൂ​ർ​ ​ജി​ല്ല​യി​ലെ​ ​മ​റ്റ് ​സ​ഹ​ക​ര​ണ​ ​ബാ​ങ്കു​ക​ളി​ലും​ ​സി.​പി.​എ​മ്മി​ന് ​അ​ക്കൗ​ണ്ടു​ക​ൾ​ ​ഉ​ണ്ടെ​ന്നാ​ണ് ​ഇ.​ഡി​യു​ടെ​ ​ക​ണ്ടെ​ത്ത​ൽ.​ ​പ​ല​ ​ത​വ​ണ​ ​വ​ർ​ഗീ​സി​നെ​ ​ചോ​ദ്യം​ ​ചെ​യ്തി​രു​ന്നു.​ ​മു​ൻ​ ​എം.​പി​യും​ ​സി.​പി.​എം​ ​സം​സ്ഥാ​ന​ ​സെ​ക്ര​ട്ടേ​റി​യ​റ്റ് ​അം​ഗ​വു​മാ​യ​ ​പി.​കെ.​ ​ബി​ജു​വി​നെ​യും​ ​ചോ​ദ്യം​ ​ചെ​യ്തി​രു​ന്നു.