ഉദിയൻകുളങ്ങര: പൂവാർ പനതപുരം സാംസ്‌കാരിക കേന്ദ്രം മേയ് ദിനാഘോഷത്തിന്റെ ഭാഗമായി ഇന്ന് ഉച്ചയ്ക്ക് 2.30ന് യു.സി.ഐ കത്തീഡ്രൽ ഹാളിൽ സമ്മേളനം സംഘടിപ്പിക്കും.സ്വാതന്ത്ര്യലബ്ധിക്ക് മുമ്പുള്ള ഭാരതം എന്ന വിഷയത്തെ ആസ്പദമാക്കി ജസ്റ്റിൻ കൊട്ടാരക്കുന്നിൽ പ്രഭാഷണം നടത്തും.കുഞ്ചൻ നമ്പ്യാർ സ്മാരക പുരസ്‌കാര ജേതാവ് ബിഷപ്പ് ഡോ.പനതപുരം മാത്യൂ സാം രചിച്ച അധർമ്മരാജാവ് എന്ന കഥാസമാഹാരം പ്രൊഫ.ഡോ.രാജാവാര്യർ പ്രകാശനം ചെയ്യും.കേരള ബാലസാഹിത്യ ഇൻസ്റ്റിറ്റ്യൂട്ട് പ്രസിദ്ധീകരിച്ച ഡോ.പനതപുരം മാത്യൂ സാമിന്റെ ഒരു വിത്തു വളർന്ന കഥ എന്ന കുട്ടികൾക്കുള്ള പുസ്തകം വിനോദ് വൈശാഖി പ്രകാശനം ചെയ്യും.