കായംകുളം : സ്വാതന്ത്ര്യസമരസേനാനിയും ആദ്യകാല കമ്മ്യൂണിസ്റ്റ് നേതാവുമായ എം.പി.കൃഷ്ണപിള്ളയുടെ സ്മരണാർത്ഥം എം.പി.ഫൗണ്ടേഷൻ ഏർപ്പെടുത്തിയ എം.പി സ്‌മൃതി 'കർമ്മധീര' പുരസ്കാരം തെന്നല ബാലകൃഷ്ണപിള്ളയ്ക്കും കെ.പി.പരമേശ്വരക്കുറുപ്പ് സ്മൃതി 'പ്രതിഭാപുരസ്കാരം' ഡോ.ജിതേഷ് ജിയ്ക്കും ലഭിച്ചു.
പുരസ്‌കാരങ്ങൾ നാളെ വൈകിട്ട് 4ന് കായംകുളം കൊയ്പ്പള്ളി കാരാണ്മ എം.പി കൃഷ്ണപിള്ള നഗർ - എം.പി സ്മാരകത്തിൽ നടക്കുന്ന സമ്മേളനത്തിൽ സി.പി.ഐ ജില്ലാ സെക്രട്ടറി ടി.ജെ.ആഞ്ചലോസ് സമ്മാനിക്കും.ചെട്ടികുളങ്ങര ഗ്രാമപഞ്ചായത്ത് പ്രസിഡന്റ് സി. സുധാകരക്കുറുപ്പ് അദ്ധ്യക്ഷത വഹിക്കും. ചടങ്ങിൽ രാഷ്ട്രീയ -സാമൂഹ്യ - സാംസ്കാരിക രംഗത്തെ പ്രമുഖർ പങ്കെടുക്കുമെന്ന് എം.പി. ഫൗണ്ടേഷൻ ചെയർമാനും കായംകുളം എം എസ് എം കോളേജ് മുൻ വൈസ് പ്രിൻസിപ്പലുമായ പ്രൊഫ. കെ.പി.ശ്രീകുമാർ അറിയിച്ചു,