ജില്ലയിൽ 9727 പരീക്ഷാർത്ഥികൾ

ആലപ്പുഴ : നാളെ നടക്കുന്ന നീറ്റ് പരീക്ഷയുടെ ഒരുക്കങ്ങൾ പൂർത്തിയായതായി ജില്ലാ കളക്ടർ അലക്‌സ് വർഗീസ് അറിയിച്ചു. ജില്ലയിലെ 19 പരീക്ഷ കേന്ദ്രങ്ങളിലായി 9727 വിദ്യാർത്ഥികൾ പരീക്ഷയെഴുതും. ഉച്ച കഴിഞ്ഞ് രണ്ട് മണി മുതൽ 5.20 വരെയാണ് പരീക്ഷാ സമയം. ജില്ല കളക്ടറുടെ അദ്ധ്യക്ഷതയിൽ കളക്ടറേറ്റിൽ ചേർന്ന യോഗത്തിൽ പരീക്ഷാനടത്തിപ്പുമായി ബന്ധപ്പെട്ട ക്രമീകരണങ്ങൾ വിലയിരുത്തി. നീറ്റ് ആലപ്പുഴ സിറ്റി കോർഡിനേറ്റർ, പൊലീസ്, കെ.എസ്.ആർ.ടി.സി, കെ.എസ്.ഇ.ബി, ജലഗതാഗതം, വിദ്യാഭ്യാസം തുടങ്ങി വകുപ്പുകളിലെ ഉദ്യോഗസ്ഥർ തുടങ്ങിയവർ യോഗത്തിൽ പങ്കെടുത്തു.

പരീക്ഷ എഴുതുന്ന വിദ്യാർത്ഥികൾക്കായി കെ.എസ്.ആർ.ടി.സി പ്രത്യേക യാത്രാസൗകര്യമൊരുക്കും. പരീക്ഷാകേന്ദ്രങ്ങളുള്ള എല്ലാ സ്ഥലങ്ങളിലേക്കും പരീക്ഷാർത്ഥികൾക്ക് എത്തിച്ചരാനായി ബസ് സർവീസുകൾ ക്രമീകരിച്ചിട്ടുണ്ട്.

വൈക്കം ഭാഗത്തേക്ക് രാവിലെ 5.20 മുതൽ 20 മിനിറ്റ് ഇടവേളയിലും അമ്പലപ്പുഴ വഴി തിരുവല്ലയിലേക്ക് രാവിലെ അഞ്ച് മുതൽ 30 മിനിട്ട് ഇടവേളയിൽ ബസുകൾ ഓപ്പറേറ്റു ചെയ്യും. കൂടുതൽ വിവരങ്ങൾക്ക്: 0477 2252501.

നാളെ ആലപ്പുഴയിൽ നിന്ന് രാവിലെ പുറപ്പെടുന്ന ബസുകൾ

വൈറ്റില വഴി

 04:15 വൈറ്റില, പറവൂർ, കൊടുങ്ങല്ലൂർ വഴി ഗുരുവായൂർ എഫ്.പി

 04:50 വൈറ്റില, പറവൂർ കൊടുങ്ങല്ലൂർ വഴി ഗുരുവായൂർ എഫ്.പി

 05:20 ആലുവ അങ്കമാലി ചാലക്കുടി വഴി തൃശ്ശൂർ എസ്.എഫ്.പി

 06:05 തൃശ്ശൂർ പാലക്കാട് വാളയാർ വഴി കോയമ്പത്തൂർ എസ്.എഫ്.പി
 വൈറ്റില ഭാഗത്തേയ്ക്ക് അരമണിക്കൂർ ഇടവിട്ട് ഫാസ്റ്റ് സൂപ്പർ ഫാസ്റ്റ് ബസുകൾ ലഭ്യമാണ്.

കൊല്ലം ഭാഗത്തേക്ക്

 05:30 കൊല്ലം എഫ്.പി
 06:05 തിരുവനന്തപുരം എസ്.എഫ്.പി
 06:20 കൊല്ലം എഫ്.പി
 06:50 കൊല്ലം എഫ്.പി

 20 മിനിറ്റ് ഇടവിട്ട് ഹരിപ്പാട്, കൊല്ലം ഭാഗത്തേക്ക് ഫാസ്റ്റ് പാസഞ്ചർ ബസുകൾ ഉണ്ടായിരിക്കുന്നതാണ്

പത്തനംതിട്ട സർവീസുകൾ

 06:30 ഹരിപ്പാട് പന്തളം വഴി പത്തനംതിട്ട
 07:30 ചങ്ങനാശ്ശേരി തിരുവല്ല വഴി പത്തനംതിട്ട

കോട്ടയം സർവീസുകൾ

 05:30 എടത്വ ,തിരുവല്ല, കോട്ടയം
 06:00 തിരുവല്ല, കോട്ടയം
 06:30 തിരുവല്ല, കോട്ടയം
 06;50 തിരുവല്ല, കോട്ടയം
 7:05 അമ്പലപ്പുഴ തിരുവല്ല വഴി ചെങ്ങന്നൂർ

എസി റോഡ് വഴിയുള്ള ചങ്ങനാശ്ശേരി സർവീസുകൾ

 05:30 ചങ്ങനാശ്ശേരി
 06:00 ചങ്ങനാശ്ശേരി
 06:30 ചങ്ങനാശ്ശേരി
 തുടർന്ന് 30 മിനിട്ട് ഇടവേളയിൽ എ.സി. റോഡ് വഴി ചങ്ങനാശേരിക്ക് ബസുകൾ ലഭ്യമാണ്.