ചേർത്തല: ദേശീയപാതയിൽ ടോറസ് ലോറിയും ഇൻസുലേ​റ്റഡ് വാനും കൂട്ടിയിടിച്ചുണ്ടായ അപകടത്തിൽ മൂന്ന് പേർക്ക് പരിക്കേ​റ്റു. ഇടുക്കി പള്ളിപ്പറമ്പിൽ ജോയൽ ജോമി (26), ചേലാച്ചൂട് വാതനാട്ട് ജോഷി (25),ചേർത്തല എസ്.എൽ.പുരം കൊടുമ്പാട്ടുവെളി അനീഷ് (40) എന്നിവർക്കാണ് പരിക്കേ​റ്റത്. ഇന്നലെ പുലർച്ചെ 4.30 ഓടെ ദേശീയപാതയിൽ ചേർത്തല മതിലകത്തിന് സമീപത്തായിരുന്നു സംഭവം. അപകടത്തിൽപ്പെട്ട വാഹനങ്ങളിൽ കുടുങ്ങിപ്പോയ ഡ്രൈവറെയും സഹായിയെയും ചേർത്തലയിൽ നിന്ന് അഗ്നിശമനസേനയെത്തി ഒരുമണിക്കൂറോളം പരിശ്രമിച്ചാണ് രക്ഷപ്പെടുത്തിയത്. പരിക്കേറ്റ മൂവരെയും ചേർത്തല താലുക്ക് ആശുപത്രിയിലും തുടർന്ന് വിവിധ സ്വകാര്യആശുപത്രികളിലും പ്രവേശിപ്പിച്ചു.