ചേർത്തല : സൈക്കിൾ യാത്രക്കാരനായ സ്വകാര്യ സ്ഥാപനത്തിലെ സെക്യൂരി​റ്റി ജീവനക്കാരൻ ട്രാവലറിടിച്ച് മരിച്ചു. ചേർത്തല കടക്കരപ്പള്ളി കൊട്ടാരംപാട്ടത്തിൽ മഠം ഭാഗത്ത് വാടകയ്ക്ക് താമസിക്കുകയായിരുന്ന സുനിൽകുമാർ (56) ആണ് മരിച്ചത്.വെള്ളിയാഴ്ച രാവിലെ ദേശീയപാതയിൽ റെയിൽവേ സ്​റ്റേഷന് സമീപമായിരുന്നു അപകടം. സുനിൽകുമാർ സൈക്കിളിൽ പോകുന്നതിനിടെ ട്രാവലർ ഇടിക്കുകയായിരുന്നെന്ന് പൊലീസ് പറഞ്ഞു. ഭാര്യ രേണുക. മക്കൾ:തേജസ്,ശ്രേയസ്. കണ്ണൂർ സ്വദേശിയായ സുനിൽ കുമാർ വർഷങ്ങളായി ചേർത്തലയിലാണ് താമസിച്ചിരുന്നത്.