ആലപ്പുഴ: പല്ലന മഹാകവി കുമാരനാശാൻ മെമ്മോറിയൽ ഹയർസെക്കൻഡറി സ്‌കൂൾ പ്ളസ് ടു പരീക്ഷയിൽ മികച്ച വിജയം നേടി. പരീക്ഷ എഴുതിയ 115വിദ്യാർത്ഥികളിൽ 110പേർ ഉപരിപഠനത്തിന് അർഹത നേടി. അഞ്ച് കുട്ടികൾ എല്ലാ വിഷയങ്ങൾക്കും എ പ്ലസ് നേടി. സ്‌കൂളിന് അഭിമാനകരമായ വിജയം നേടിത്തന്ന വിദ്യാർത്ഥികളെയും പ്രിൻസിപ്പൽ ശ്രീലേഖ ഉൾപ്പെടെയുള്ള അദ്ധ്യാപകരെയും പി.ടി.എ കമ്മിറ്റിയെയും സ്‌കൂൾ മാനേജിംഗ് കമ്മിറ്റി അഭിനന്ദിച്ചു. മാനേജർ ഇടശേരി രവി അദ്ധ്യക്ഷത വഹിച്ചു.