മുഹമ്മ: വിവിധ ആവശ്യങ്ങൾ ഉന്നയിച്ചുക്കൊണ്ട് നിർമ്മാണ തൊഴിലാളി ക്ഷേമനിധി ജില്ലാ ഓഫീസ് പിടിക്കൽ കേരള ഇലക്ട്രിക്കൽ വയർമെൻ ആൻഡ് സൂപ്പർവൈസേഴ്സ് അസോസിയേഷൻ (കെ.ഇ.ഡബ്ല്യു.എസ്.എ) ജില്ലാ കമ്മിറ്റിയുടെ നേതൃത്വത്തിൽ നാളെ രാവിലെ പത്തിന് പ്രതിഷേധ ധർണ നടത്തും. ധർണ്ണ അസോ. സംസ്ഥാന ജനറൽ സെക്രട്ടറി സി.വി രാജു ഉദ്ഘാടനം ചെയ്യും.

പെൻഷൻ വിതരണത്തിലെ കാലതാമസം ഒഴിവാക്കുക, വിവിധ ആനുകൂല്യങ്ങളുടെ വിതരണ കാലതാമസം ഒഴിവാക്കുക, കെട്ടിട ഉടമകളിൽ നിന്നും സെസ് പിരിച്ചെടുക്കൽ വേഗത്തിലാക്കുക തുടങ്ങിയ ആവശ്യങ്ങൾ ഉന്നയിച്ചാണ് ധർണ. ജില്ലാ ഭാരവാഹികളായ കെ. ജയദേവൻ, ഡേവിഡ് ജോൺ, ആർ. അണ്ണാദുരൈ, വി.സതീശൻ, എം. മുജീബ് റഹ്‌മാൻ എന്നിവർ നേതൃത്വം നൽകും.