ചാരുംമൂട്: ജെ.ഉദയൻ രചിച്ച പെയ്തൊഴിയാതെ, ദി റിഫ്ലക്ഷൻസ് എന്നി കവിത സമാഹാരങ്ങളുടെ പ്രകാശന സമ്മേളനം താമരക്കുളം ഗ്രാമപഞ്ചായത്ത് പ്രസിഡന്റ് ജി.വേണു ഉദ്ഘാടനം ചെയ്തു.യുവകലാസാഹിതി ചാരുംമൂട് മണ്ഡലം സെക്രട്ടറി റജി പണിക്കർ അദ്ധ്യക്ഷത വഹിച്ചു. പെയ്തൊഴിയാതെ എന്ന പുസ്തകം കഥാകാരൻ വിശ്വൻ പടനിലം സംവിധായകൻ നൂറനാട് രാമചന്ദ്രനും,​ ദി റിഫ്ലക്ഷൻസ് പുസ്തകം കോഴിക്കോട് സർവകലാശാല മുൻ പ്രൊ. വൈസ് ചാൻസലർ ഡോ.സി.ഗോപിനാഥൻപിള്ള പന്തളം എൻ.എസ് കോളജ് റിട്ട. പ്രൊഫ.പ്രസന്നകുമാറിനും നൽകി പ്രകാശനം ചെയ്തു. വള്ളികുന്നം രാജേന്ദ്രൻ, പ്രസാദ് താമരക്കുളം എന്നിവർ പുസ്തക പരിചയം നടത്തി. ഓണാട്ടുകര വികസന സമിതി വൈസ്ചെയർമാൻ എൻ.രവീന്ദ്രൻ, താമരക്കുളം ഗ്രാമ പഞ്ചായത്ത് സ്ഥിരം സമിതി അദ്ധ്യക്ഷ ദീപ ജ്യോതിഷ്, ചാരുംമൂട് രാധാകൃഷ്ണൻ, വള്ളികുന്നം പ്രഭ, അജിത് പ്ലാക്കാട്, ജെ.ഉദയൻ എന്നിവർ സംസാരിച്ചു.