ഹരിപ്പാട് : ഈ യുഗം സാഹിത്യ സാംസ്കാരിക സംഘടനയുടെ നേതൃത്വത്തിലുള്ള സാഹിത്യ സംഗമ 15ന് ഉച്ചയ്ക്ക് 2ന് മുരളി ഹോട്ടൽ കോൺഫറൻസ് ഹാളിൽ നടക്കുമെന്ന് സംഘടന ഭാരവാഹികൾ വാർത്ത സമ്മേളനത്തിൽ അറിയിച്ചു. ഉദ്ഘാടനവും പുസ്തക പ്രകാശനവും ഗാനരചയിതാവ് വയലാർ ശരത്ചന്ദ്ര വർമ്മ നിർവഹിക്കും. ജില്ലാ പഞ്ചായത്ത് അംഗം ജോൺ തോമസ് അദ്ധ്യക്ഷത വഹിക്കും. ഈ യുഗം പ്രസിഡന്റ് ഡോ. അരുൺകുമാർ മുഖ്യപ്രഭാഷണം നടത്തും. സംസ്ഥാനതലത്തിൽ ഈ യുഗം നടത്തിയ സാഹിത്യ മത്സര വിജികൾക്കുള്ള സമ്മാനദാനം നിർവഹിക്കും. ഡോ അരുൺകുമാറിന്റെ കവിത സമാഹാരമായ പോരാളി വയലാർ ശരത് ചന്ദ്ര വർമ്മ ജോൺ തോമസിന് നൽകി പ്രകാശനം ചെയ്യും. കർണാടക സംഗീതജ്ഞൻ തലവടി കൃഷ്ണൻകുട്ടിയെ ചടങ്ങിൽ ആദരിക്കും. തുടർന്ന് കവിയരങ്ങ് നടക്കും.വാർത്താ സമ്മേളനത്തിൽ ഈ യുഗം പ്രസിഡന്റ് ഡോ.അരുൺകുമാർ.എസ്, എക്സിക്യൂട്ടീവ് അംഗം മുരളീധരൻ നായർ എന്നിവർ പങ്കെടുത്തു.