ആലപ്പുഴ: മുഹമ്മ ചീരപ്പൻചിറ സ്വാമി അയ്യപ്പൻ പഠനകളരിയിൽ ചെമ്പഴന്തി ശ്രീനാരായണ അന്തർദേശീയ പഠനതീർത്ഥാടന കേന്ദ്രത്തിന്റെ സഹകരണത്തോടെ നടത്തിവരുന്ന പ്രതിമാസ ഗുരുദേവ പഠനശിബിരം 18ന് നടക്കും. വൈകിട്ട് 3ന് ഭദ്രദീപ പ്രകാശനം. കോട്ടയം ശൈലജ രവീന്ദ്രൻ ഗുരുദേവ ദർശനങ്ങളെപ്പറ്റി പ്രഭാഷണം നടത്തും. കളരി പരിരക്ഷകൻ മാധവ ബാലസുബ്രഹ്മണ്യം അദ്ധ്യക്ഷത വഹിക്കും. 5ന് ഗുരുദേവ ക്വിസ് മത്സരം ഗുരുധർമ്മ പ്രചാരകൻ പ്രാർത്ഥനാരത്നം ബേബി പാപ്പാളിൽ നയിക്കും. 5.30ന് സമൂഹ പ്രാർത്ഥനയോടെ സമാപിക്കും.