ഹരിപ്പാട്: ലോക നഴ്സസ് ദിനത്തിൽ മുതുകുളം വടക്ക് ബ്രദേഴ്സ് ഗ്രന്ഥശാല ആൻഡ് വായനശാലയുടെ ആഭിമുഖ്യത്തിൽ ചേപ്പാട് കന്നിമേൽ മണിമുരളിയിൽ സുമയെ ആദരിച്ചു. കാർത്തികപ്പള്ളി താലൂക്ക് ലൈബ്രറി കൗൺസിൽ എക്സിക്യൂട്ടീവ് അംഗം കെ.വിജയകുമാർ പൊന്നാട അണിയിച്ചു. ഗ്രന്ഥശാല വൈസ് പ്രസിഡന്റ് കെ.ശ്രീകൃഷ്ണകുമാർ അദ്ധ്യക്ഷനായി. ഗ്രന്ഥശാല സെക്രട്ടറി എസ്.മഹാദേവൻപിള്ള, എസ്.ശ്രീദേവി, ജി.അനിൽ, എ.ഉണ്ണികൃഷ്ണൻ, പി.അരവിന്ദാക്ഷൻ, വി.സുദർശനൻപിള്ള, സുമഷാജി, എസ്.വിജയൻപിള്ള, ടി.കെ.വിജയൻപിള്ള എന്നിവർ പങ്കെടുത്തു.