മാന്നാർ: എസ്.എൻ.ഡി.പി യോഗം ചെങ്ങന്നൂർ യൂണിയൻ 646-ാംനമ്പർ ഇലഞ്ഞിമേൽ ശാഖാ ഗുരുക്ഷേത്രത്തിലെ 5-ാമത് പ്രതിഷ്ഠാ വാർഷികം 16, 17, 18, 19, 20 തീയതികളിൽ നടക്കും. ശിവശർമ്മൻ തന്ത്രി മുഖ്യകാർമ്മികത്വവും ക്ഷേത്ര ശാന്തി വിനീത് വിക്രമൻ ശാന്തി സഹകാർമ്മികത്വവും വഹിക്കും.ഇന്ന് വൈകിട്ട് 7.30 നും 8.10 നും മദ്ധ്യേ കൊടിയേറ്റ്. നാളെ അഖണ്ഡനാമജപയഞ്ജം, ദീപക്കാഴ്ച, 7.30 ന് പ്രഭാഷണം സജീഷ് കോട്ടയം. 18 ന് ഗുരുഭാഗവത പാരായണം, രാത്രി ഗാനമേള.19 ന് ഗുരുപൂജ, ഗുരുപുഷ്പാഞ്ജലി, ഭാഗവത പാരായണം, തിരുവാതിര, കൈകൊട്ടിക്കളി, നൃത്തനൃത്യങ്ങൾ.20 ന് അഷ്ടദ്രവ്യ ഗണപതിഹോമം, കൂട്ട മൃത്യുഞ്ജയഹോമം, നവകം, നവകാഭിഷേകം, ഗുരുപൂജ, ഗുരുപുഷ്പാഞ്ജലി തുടർന്ന് പ്രഭാഷണം മാതാ ഗുരുപ്രിയ. ഉച്ചയ്ക്ക് 1 ന് സമൂഹസദ്യ. വൈകിട്ട് 6ന് താലപ്പൊലി, ചെണ്ടമേളം, മുത്തുക്കുട, കോൽകളി എന്നിവയുടെ അകമ്പടിയോടെ എതിരേല്പ്. തുടർന്ന് ദീപക്കാഴ്ച, പൂമൂടൽ എന്നിവയ്ക്ക് ശേഷം 9.40 നും 10.10 നും മദ്ധ്യേ കൊടിയിറക്കോടെ സമാപിക്കും.