ആലപ്പുഴ : ഇന്റർ നാഷണൽ ഫാഷൻ ഷോ മത്സരത്തിൽ ഇന്ത്യയെ പ്രതിനിധീകരിച്ച് തായ് ലൻഡിൽ മത്സരിക്കാനുള്ള തയ്യാറെടുപ്പിൽ ആലപ്പുഴ സ്വദേശിയായ ഏഴു വയസുകാരൻ അപ്പുണ്ണി. വളവനാട് വിജയ നിവാസിൽ കണ്ണനുണ്ണിയുടെയും അനുവിന്റെയും മകനായ അപ്പുണ്ണി ഇതിനകം ഒട്ടേറെ നേട്ടങ്ങൾ സ്വന്തമാക്കി കഴിഞ്ഞു. തായ്ലൻഡിൽ നടക്കുന്ന ഫാഷൻ റൺവേയുടെ ഇന്റർനാഷണൽ മത്സരത്തിൽ ആറു മുതൽ എട്ടു വയസുവരെയുള്ള വിഭാഗത്തിൽ ഇന്ത്യയെ പ്രതിനിധീകരിക്കും. പട്ടണക്കാട് പബ്ലിക്ക് സ്‌കൂളിലെ രണ്ടാം ക്ലാസ് വിദ്യാർത്ഥിയായ അപ്പുണ്ണി മൂന്നര വയസുമുതൽ മിമിക്രി കലാകാരനാണ്. ചാനൽ ഷോകളിലെ ഏറ്റവും പ്രായം കുറഞ്ഞ മിമിക്രി കലാകാരനെന്ന റെക്കാഡും നേടിയിട്ടുണ്ട്.ഒട്ടേറെ ഷോർട്ട് ഫിലിമുകളിലും സംഗീത ആൽബങ്ങളിലും പ്രൊഫഷണൽ വേദികളിലും തിളങ്ങി നിൽക്കുകയാണ് അപ്പുണ്ണി.