ആലപ്പുഴ : ഗുരധർമ്മ പ്രചാരണസഭ അമ്പലപ്പുഴ മണ്ഡലം കമ്മിറ്റിയുടെ 62-ാംമത് ശ്രീനാരായണ ധർമ്മമീമാംസാ പരിഷത്ത് ഇന്ന് നടക്കും. ഉച്ചക്ക് 2ന് പറവൂർ പബ്ളിക് ലൈബ്രറിയിൽ നടക്കുന്ന ചടങ്ങ് സഭയുടെ കേന്ദ്രസമിതി രജിസ്ട്രാർ അഡ്വ.പി.എം.മധു ഉദ്ഘാടനം ചെയ്യും. മണ്ഡലം പ്രസിഡന്റ് പി.ടി.മധു അദ്ധ്യക്ഷത വഹിക്കും. ഗുരുദേവനും വൈക്കം സത്യാഗ്രഹവും എന്ന വിഷയത്തിൽ മണ്ഡലം സെക്രട്ടറി ജി.പീതാംബരൻ പ്രബന്ധം അവതരിപ്പിക്കും. എൻ.കെ.മുരളീധരൻ, ഡോ.പി.ഗോപാലകൃഷ്ണൻ, ഡോ. എം.ഡി.നവമിത സുനിൽ, ഡോ.എം.പി.പ്രേംജി, ഡോ.ജയസാബു, സതീശൻ അത്തിക്കാട്, ആർ.പ്രസന്നകുമാർ, എം.ഡി.സലിം, അഡ്വ.ജയൻ സി.ദാസ്, എസ്.വിനോദൻ, സുജ കളർകോട് എന്നിവർ സംസാരിക്കും. ഡി.ഭാർഗവൻ നീർക്കുന്നം, എൻ.മുരളി എന്നിവരെ ആദരിക്കും.