ആലപ്പുഴ: കണിച്ചുകുളങ്ങര ദേവസ്വത്തിന്റെ ആഭിമുഖ്യത്തിൽ നടത്തിവരാറുള്ള ചതയദിന പ്രാർത്ഥന നാളെ വിവിധ ചടങ്ങുകളോടെ ഗുരുദേവ സന്നിധിയിൽ നടക്കും. രാവിലെ 8ന് ഗുരുപുഷ്പാഞ്ജലി. 9ന് ദേവസ്വം സെക്രട്ടറി പി.കെ.വിശ്വനാഥൻ പതാക ഉയർത്തും. 9.15 മുതൽ പ്രാർത്ഥനയും ഗുരുദേവ കൃതികൾ ആലാപനവും. 11ന് കോട്ടയം ശ്രീഹരി ശ്രീജേഷ് ഗുരുദേവ ധർമ്മ പ്രഭാഷണം നടത്തും. 12.30ന് ഗുരുദേവ പൂജ. തുടർന്ന് ബേബി പാപ്പാളിയുടെ നേതൃത്വത്തിൽ വിശേഷാൽ ദിവ്യനാമ സമൂഹാർച്ചന. 1ന് ഗുരുപ്രസാദ വിതരണം.