മരട്: വേനൽ രൂക്ഷമായതോടെ മരട് നഗരസഭയിലെ കുടിവെള്ളക്ഷാമം പരിഹരിക്കുന്നതിനായി വാൽവ് ക്രമീകരണം നടത്തും. നഗരസഭയിലെ ഡിവിഷൻ നമ്പർ 1, 33, 23, 29, വളന്തകാട് എന്നീ പ്രദേശങ്ങളിലെ കുടിവെള്ള വിതരണം കാര്യക്ഷമമാക്കുന്നതിനാണ് ക്രമീകരണം നടത്തുന്നത്. ഇതിന്റെ ഭാഗമായി തിങ്കളാഴ്ച നാഷണൽ ഹൈവേ 85 ന്റെ വടക്കുഭാഗത്തെ കണ്ണാടിക്കാട്, തുരുത്തി പ്രദേശങ്ങളിലേയ്ക്ക് ജലവിതരണം ചെയ്യുന്ന വാൽവ് അടച്ചിടും. വ്യാഴാഴ്‌ച നാഷണൽ ഹൈവേ 85 ന്റെ തെക്കുഭാഗത്തെ മരട് കൊട്ടാരം, കേട്ടെഴുത്ത് കടവ് പ്രദേശങ്ങളിലേയ്ക്കുള്ള വാൽവും അടക്കുമെന്ന് അസി. എക്സ‌ി. എൻജിനിയർ അറിയിച്ചു.