കുഞ്ഞിന്റെ രൂപത്തിലുള്ള പാവയെന്നാണ് ആദ്യനോട്ടത്തിൽ ജിതിന് തോന്നിയത്. അതിനെ മറികടന്നതും പന്തികേട് തോന്നി.പെട്ടെന്ന് കാർ ഒതുക്കി ഇറങ്ങിചെന്നപ്പോൾ കണ്ടത് ചോരക്കറ. പൊക്കിൾക്കൊടി പോലും മുറിച്ച് മാറ്റാത്ത കുഞ്ഞിന്റെ ജഡം.

പനമ്പിള്ളിനഗറിലെ ഇടറോഡിൽ ഫ്ളാറ്റിൽ നിന്ന് താഴേക്ക് എറിഞ്ഞു കൊലപ്പെടുത്തിയ നവജാതശിശുവിന്റെ ജഡം ആദ്യമായി കണ്ട കാർ ഡ്രൈവർ പീരുമേട് സ്വദേശി ജിതിൻ കുമാറിന്റെ വാക്കുകൾ.

ഷിപ്പ്‌യാർഡിന്റെ മറൈൻ എൻജിനീയറിംഗ് കോളേജിലെ കരാർ ഡ്രൈവറായ ജിതിൻ വിദ്യാർത്ഥികളെ ഹോസ്റ്റലിൽനിന്ന് കൊണ്ടുപോകാൻ വരികയായിരുന്നു.

പ്രധാന റോഡിൽനിന്ന് ഒന്നര കിലോമീറ്റർ മാറിയാണ് ഈ റോഡ്.രാവിലെ 8.20 ആയിട്ടുണ്ടാവും.

ആമസോണിന്റെ പാഴ്സൽ കവറിൽ പൊതിഞ്ഞാണ് കുട്ടിയെ വലിച്ചെറിഞ്ഞതെങ്കിലും കവറും കുട്ടിയും അടുത്തടുത്തായി വേറിട്ട് കിടക്കുകയായിരുന്നു. ജനിച്ചിട്ട് അധിക നേരമായില്ലെന്ന് മനസിലായി. മറ്റുവാഹനങ്ങൾക്ക് അടിയിൽപ്പെട്ട് ചതഞ്ഞ് അരയുമെന്ന് ഭയന്നു. എതിർവശത്തെ ശാന്തിനിലയം ഫ്ലാറ്റിലെ സെക്യൂരിറ്റി ജീവനക്കാരൻ മോ‌ഡിയെ വിളിച്ചു. പിന്നാലെ പൊലീസിന്റെ എമ‌‌ർജൻസി നമ്പരായ 112ൽ അറിയിച്ചു. പിന്നാലെ,ശാന്തിനിലയം ഫ്ലാറ്റിലെ സെക്രട്ടറി അഖിലും മറ്റുചിലരും എത്തി. ബെഡ്ഷീറ്റുകൊണ്ടുവന്ന് മൃതദേഹം മൂടി. പൊലീസിന്റെ നി‌ർദ്ദേശം ഇല്ലാത്തതിനാൽ മൃതദേഹത്തിൽ തൊടുകപോലും ചെയ്തില്ലെന്ന് ജിതിൻ പറഞ്ഞു. പൊലീസ് തുടർനടപടികൾ സ്വീകരിക്കുന്നതുവരെ നിതിൻ സ്ഥലത്തുണ്ടായിരുന്നു.

ജീവിതത്തിൽ ആദ്യമായാണ് ഇത്തരമൊരു രംഗം കാണുന്നത്. വല്ലാത്ത വിഷമവും ഭയവുമാണ് തോന്നിയത്

- ജിതിൻ കുമാർ

 പ്ര​തി​ ​അ​തി​ജീ​വി​ത; ര​ക്ഷി​താ​ക്കൾ അ​റി​ഞ്ഞി​ല്ല

മാ​ന​ഭം​ഗ​ത്തി​ന് ​ഇ​ര​യാ​യ​ ​അ​വി​വാ​ഹി​ത​യാ​യ​ ​ഇ​രു​പ​ത്തി​മൂ​ന്നു​കാ​രി​യാ​ണ് ന​വ​ജാ​ത​ ​ശി​ശു​വി​നെ​ ​റോ​ഡി​ലെ​റി​ഞ്ഞ​തെ​ന്ന് ​കൊ​ച്ചി​ ​സി​റ്റി​ ​പൊ​ലീ​സ് ​ക​മ്മി​ഷ​ണ​ർ​ ​എ​സ്.​ ​ശ്യാം​സു​ന്ദ​ർ​ ​പ​റ​ഞ്ഞു.​ ​ഗ​ർ​ഭി​ണി​യാ​ണെ​ന്ന് ​ഒ​പ്പ​മു​ള്ള​ ​മാ​താ​പി​താ​ക്ക​ൾ​ക്ക് ​അ​റി​യി​ല്ലാ​യി​രു​ന്നു.​ ​കു​റ്റ​കൃ​ത്യ​ത്തി​ൽ​ ​മാ​താ​പി​താ​ക്ക​ൾ​ക്ക് ​പ​ങ്കി​ല്ലെ​ന്ന്വ്യ​ക്ത​മാ​യ​താ​യി​ ​ക​മ്മി​ഷ​ണ​ർ​ ​മാ​ദ്ധ്യ​മ​ങ്ങ​ളോ​ട് ​പ​റ​ഞ്ഞു.
യു​വ​തി​ ​കു​റ്റം​ ​സ​മ്മ​തി​ച്ചി​ട്ടു​ണ്ട്.​ ​കു​ഞ്ഞി​നെ​ ​കൊ​ല​പ്പെ​ടു​ത്തി​യ​താ​ണോ,​ ​ചാ​പി​ള്ള​യാ​യി​ ​ജ​നി​ച്ച​താ​ണോ​ ​എ​ന്ന് ​പോ​സ്റ്റ്‌​മോ​ർ​ട്ട​ത്തി​ലേ​ ​വ്യ​ക്ത​മാ​വൂ.​ ​മാ​ന​ഭം​ഗ​ത്തി​ന് ​ഇ​ര​യാ​യ​താ​യി​ ​യു​വ​തി​ ​മൊ​ഴി​കൊ​ടു​ത്തു.​ ​ഇ​ത് ​മ​റ്റൊ​രു​ ​കേ​സാ​യി​ ​അ​ന്വേ​ഷി​ക്കും.​ ​വീ​ട്ടു​കാ​ര​റി​യാ​തെ​ ​ശു​ചി​മു​റി​യി​ൽ​ ​ക​യ​റി​ ​വാ​തി​ല​ട​ച്ച് ​പു​ല​ർ​ച്ചെ​ ​അ​ഞ്ചോ​ടെ​യാ​ണ് ​പ്ര​സ​വി​ച്ച​ത്.​ ​മൂ​ന്നു​മ​ണി​ക്കൂ​റി​നു​ശേ​ഷം​ ​എ​ട്ടോ​ടെ​ ​ഫ്‌​ളാ​റ്റി​ലെ​ ​ബാ​ൽ​ക്കെ​ണി​യി​ൽ​ ​നി​ന്ന് ​കു​ഞ്ഞി​നെ​ ​റോ​ഡി​ലേ​ക്ക് ​എ​റി​ഞ്ഞു.
പ്ര​സ​വ​ശേ​ഷ​മു​ണ്ടാ​യ​ ​ഉ​ൾ​ഭ​യ​ത്തി​ൽ​ ​നി​ന്നാ​വാം​ ​എ​റി​ഞ്ഞ​ത്.​ ​കു​ഞ്ഞി​ന് ​ജീ​വ​നു​ണ്ടാ​യി​രു​ന്നോ​ ​എ​ന്ന​ ​ചോ​ദ്യ​ത്തി​ന് ​പ്ര​തി​യി​ൽ​ ​നി​ന്ന് ​വ്യ​ക്ത​മാ​യ​ ​മ​റു​പ​ടി​ ​കി​ട്ടി​യി​ല്ലെ​ന്ന് ​ക​മ്മി​ഷ​ണ​ർ​ ​പ​റ​ഞ്ഞു.