കൊല്ലം: ചേച്ചിയുടെ വിവാഹത്തിന് പണം സ്വരൂപിക്കുന്നതിനായി മെഴുകുതിരി കച്ചവടം നടത്തുന്ന പതിനൊന്നുകാരി സാന്ദ്ര മരിയയ്ക്ക് ബോച്ചെ ബ്രാൻഡിന്റെ ഫ്രാഞ്ചൈസി സൗജന്യമായി ലഭിച്ചു. ഇരവിപുരം പുത്തനഴിക്കാം പുരയിടം കോൺവെന്റ് നഗറിലെ പതിനൊന്നുകാരി മെഴുകുതിരി കച്ചവടം ചെയ്യുന്നത് മാദ്ധ്യമങ്ങളിലൂടെ ശ്രദ്ധയിൽപെട്ടതിനെ തുടർന്നാണ് ബോച്ചെ ഫാൻസ് ചാരിറ്റബിൾ ട്രസ്റ്റിന്റെ വക സമ്മാനം. ബോച്ചെ ടീ സ്റ്റോക്ക് സൗജന്യമായി നൽകി ഫ്രാഞ്ചൈസിയുടെ ഉദ്ഘാടനവും മാർക്കറ്റിംഗ് പ്രമോഷനും ബോച്ചെ നിർവഹിച്ചു. ഇതോടൊപ്പം ചേച്ചിയുടെ വിവാഹം നടത്തിക്കൊടുക്കുമെന്നും ബോച്ചെ അറിയിച്ചു.
ബോച്ചെ ടീ ഒരു പാക്കറ്റിന് 40 രൂപയാണ് വില. അതോടൊപ്പം സൗജന്യമായി ഒരു ബോച്ചെ ടീ ലക്കി ടിക്കറ്റും ലഭിക്കും. ദിവസേന ഒരു ഭാഗ്യവാന് പത്ത് ലക്ഷം രൂപ സമ്മാനവും 13704 പേർക്ക് 25000, 10000, 5000, 1000, 100 എന്നിങ്ങനെ ക്യാഷ് പ്രൈസുകളും ലഭിക്കും. ബമ്പർ പ്രൈസ് 25 കോടി രൂപയാണ്.
ദിവസേന രാത്രി 10.30 ന് നറുക്കെടുപ്പ് വിജയികളുടെ വിവരങ്ങൾ ബോച്ചെ ടി യുടെ വെബ്സെറ്റിലും സോഷ്യൽ മീഡിയ അക്കൗണ്ടുകൾ വഴിയും അറിയിക്കും.