പറവൂർ: എസ്.എൻ.ഡി.പി യോഗം പടിഞ്ഞാറെ മടപ്ളാതുരുത്ത് തേവുരുത്തിൽ ശ്രീ ദുർഗാഭഗവതി ശ്രീ ഭദ്രകാളി ക്ഷേത്ര മഹോത്സവത്തിന് ക്ഷേത്രം തന്ത്രി മൂത്തകുന്നം സുഗതൻ തന്ത്രിയുടെ മുഖ്യകാർമ്മികത്വത്തിൽ കൊടിയേറി. ഇന്ന് വൈകിട്ട് താലം എഴുന്നള്ളിപ്പ്. തുടർന്ന് കൈക്കൊട്ടികളി. 7ന് രാവിലെ ഭസ്മക്കളം, വൈകിട്ട് യക്ഷിക്കളം തുടർന്ന് കൈക്കൊട്ടികളി. 8ന് വൈകിട്ട് യക്ഷിക്കളം, 9ന് രാവിലെ ദേവീമാഹാത്മ്യം, ഭദ്രകാളിയിങ്കൽ പഞ്ചവിംശതി അഭിഷേകം, അമൃതഭോജനം, വൈകിട്ട് കുടുംബ യൂണിറ്റ് അംഗങ്ങളുടെ കലാപരിപാടികൾ, മഹോത്സവദിനമായ 10ന് രാവിലെ ലളിതാസഹസ്രനാമാർച്ചന, ശ്രീബലി, പഞ്ചവിംശതികലശപൂജ, വൈകിട്ട് കാഴ്ചശ്രീബലി, ചെണ്ടമേളം, രാത്രി ദീപാരാധന തുടർന്ന് വർണക്കാഴ്ചകൾ. കരോക്കെ ഗാനമേള, പുലർച്ചെ ആറാട്ട്, ഗുരുതിക്ക് ശേഷം കൊടിയിറക്ക്.